වික්ටෝරියා ප්රාන්තයේ නිවාස නොමැති ජනතාවට (homeless) සහාය දෙන සේවාවල දැඩි සේවක හිඟයක් පවතින බව නව වාර්තාවකින් හෙළිවී තිබෙනවා.
වාර්තාව පෙන්වා දෙන්නේ, වීදිවල ජීවත් වන දහස් ගණනක් පුද්ගලයන්ට උදව් කිරීමට අවශ්ය outreach සේවකයින් ප්රමාණවත් නොවන බවයි.
ඒ හේතුවෙන් ඇතැම් ප්රදේශවල එක් සේවකයෙකුට විශාල භූමි ප්රදේශයක් ආවරණය කිරීමට සිදුවී ඇති අතර, අවශ්ය අයට ඉක්මනින් සහාය ලබාදීම ද ප්රමාද වන තත්ත්වයක් පවතින බවටයි වාර්තාවන්නේ.
විශේෂයෙන් ග්රාමීය ප්රදේශ කිහිපයක outreach සේවාවන් නොමැති වීමත්, දැනට පවතින සේවක සංඛ්යාව ඉල්ලුමට සාපේක්ෂව ඉතා අඩු වීමත් ප්රධාන ගැටලුවක් ලෙස වාර්තාව සඳහන් කරනවා.
මෙම තත්ත්වය හේතුවෙන් නිවාස නොමැති පුද්ගලයන්ට අවශ්ය ආධාර සහ සේවා ලබාදීමේ කාර්යක්ෂමතාව පහළ යා හැකි බවද වාර්තාව වැඩිදුරටත් පෙන්වා දෙනවා.
කෙසේවෙතත් ගැටලුව විසඳීමට නව සේවකයන් බඳවා ගැනීම සහ outreach සේවා පුළුල් කිරීම අවශ්ය බවද මෙම වාර්තාව මගින් නිර්දේශ කර තිබෙනවා.
