සංචිත බැංකුව මෙම වසරේ තුන්වන වරටත් පොලී අනුපාතය 0.25%කින් ඉහළ දමා තිබෙනවා.
ඒ අනුව, නිල cash rate අගය 4.35% දක්වා ඉහළ ගොස් ඇති අතර, එය පසුගිය වසරේ rate cuts කිරීමට පෙර පැවති මට්ටමටම නැවත පැමිණ තිබෙනවා.
ඉහළ යන උද්ධමනය, ඉන්ධන මිල අර්බුදය සහ ගෝලීය ආර්ථික අවිනිශ්චිතතාව හේතුවෙන් මෙම තීරණය ගෙන ඇති බව විශ්ලේෂකයින් පෙන්වා දෙනවා.
කෙසේ වෙතත්, මෙම පොලී අනුපාත වැඩිවීම නිසා නිවාස ණය ගැතියන් සහ කුඩා ව්යාපාර මත තවත් මූල්ය පීඩනයක් එල්ල විය හැකි බවටද අනතුරු ඇඟවීම් පවතිනවා.
RBA අද දහවල් පොලී අනුපාතය තීරණය කිරීමට සූදානම් වෙද්දී, එය තවත් ඉහළ නොදැමිය යුතු බවටයි ආර්ථික විශේෂඥයින් කිහිප දෙනෙක් අනතුරු ඇඟවීම් කර තිබුණේ.
වෙළඳපොළ සහ ප්රධාන බැංකු තවත් rate hike එකක් අපේක්ෂා කළද, ගෘහස්ථ පීඩනය සහ මූල්ය අවපාත අවදානම හේතුවෙන් “hold” කිරීම වඩා සුදුසු බවත් අදහස් පළවී තිබුණා.
Roy Morgan ආයතනය අනතුරු ඇඟවූයේ තවත් පොලී අනුපාත වැඩි කිරීමක් සිදුවුවහොත් එය “වඩාත්ම වරදක්” වන අතර, රට අවපාතයකට ඇද දැමිය හැකි බවයි.
Finder සමාගමේ සමීක්ෂණයකට අනුව තවත් rate hike එකක් සිදුවුවහොත් mortgage holders 100,000කට අධික පිරිසක් ණය ගෙවීමේ අර්බුදයට ලක්විය හැකි බවට කියාසිටියා.
Oxford Economics ආයතනයේ ආර්ථික විශේෂඥයින් පෙන්වා දෙන්නේ, එක පොලී අනුපාත වැඩිවීමකින් සාමාන්ය ණය ආපසු ගෙවන්නන්ට මාසයකට ඩොලර් 120ක් පමණ එකතු විය හැකි බවයි.
විශේෂඥයින් අනතුරු අඟවන්නේ ඉන්ධන අර්බුදය ප්රවාහනය, ආහාර, ඉදිකිරීම් සහ නිෂ්පාදන වියදම්වලටද දීර්ඝකාලීන බලපෑම් ඇති කරනු ඇති බවයි.
