ඕස්ට්රේලියානු අගමැති Anthony Albanese ඇමරිකාව සහ ඉරානය අතර ඇතිවූ සටන් විරාමයට සාදරයෙන් පිළිගෙන තිබෙනවා.
ඔහු පවසන්නේ, මෙම ගැටුම නවතා දමමින් තත්ත්වය සන්සුන් කිරීමට ඔස්ට්රේලියාව දිගින් දිගටම ආරාධනා කර ඇති බවයි.
ඉරානය විසින් Strait of Hormuz වසා දැමීමත්, වාණිජ නැව් සහ තෙල්-ගෑස් පහසුකම් ඉලක්ක කර ප්රහාර එල්ල කිරීමත් හේතුවෙන් ලෝක බලශක්ති සැපයුමට දැඩි බලපෑම් එල්ල වී ඇති අතර, ඉන් ඉන්ධන මිලද ඉහළ ගොස් ඇති බවයි ඔහු කියාසිටියේ.
මෙම යුද්ධය දිගටම පැවතීම ලෝක ආර්ථිකයට හා මිනිස් ජීවිත වලට තවදුරටත් බරපතල බලපෑම් ඇති කරන බවයි ඔහු අවධාරණය කළේ.
අත්යවශ්ය සැපයුම් නැවත ගලා යාම සඳහා Strait of Hormuz නැවත විවෘත කිරීමේ අරමුණින්, ඔස්ට්රේලියාව ජාත්යන්තර සහකරුවන් සමඟ එකතුවී කටයුතු කරමින් සිටින බවද අගමැතිවරයා ප්රකාශ කළා.
මෙම සටන් විරාමය සාක්ෂාත් කර ගැනීමට Pakistan, Egypt, Türkiye සහ Saudi Arabia වැනි රටවල් කළ මැදිහත්වීමද ඔහු ප්රශංසා කර සිටියා.
කෙසේවෙතත් ඉරානය “ගල් යුගයට” ආපසු යැවීමට සූදානම් බවට කළ ප්රකාශ වැනි කතා, ඇමරිකානු ජනපතිවරයෙකුට සුදුසු නොවන බවයි ඇල්බනීසි ප්රකාශකළේ.
Albanese වැඩිදුරටත් පවසන්නේ එවැනි ප්රකාශ සිවිල් ජනතාවට හා පද්ධතිවලට හානි වීමට හේතු විය හැකි බැවින්, ජාත්යන්තර නීතියට අනුකූලව යුද්ධය හැසිරවිය යුතු බවයි.
ඔහු තවදුරටත් පැවසුවේ, සටන්වලට සම්බන්ධ නොවන සාමාන්ය ජනතාවට උපරිම ආරක්ෂාව ලබාදීම අත්යවශ්ය බවයි.
