ඉරාන කාන්තා පාපන්දු කණ්ඩායමේ තවත් සාමාජිකාවන් ඕස්ට්රේලියාවේ සරණාගතභාවය ඉල්ලා ඇති බව ස්වදේශ කටයුතු අමාත්ය ටෝනි බර්ක් තහවුරු කර තිබෙනවා.
ක්රීඩිකාවන් 13 දෙනෙකුගෙන් යුත් සංචිතයෙන් පස් දෙනෙකුට සඳුදා සරණාගතභාවය ලබා දුන්නේ ඔවුන් නැවත නිවසට පැමිණියහොත් පීඩාවන්ට මුහුණ දෙනු ඇතැයි යන බිය හේතුවෙන්.
ඉතිරි ක්රීඩිකාවන් ඊයේ සවස සිඩ්නි ජාත්යන්තර ගුවන්තොටුපළෙන් ක්වාලාලම්පූර් බලා පිටත්ව ගිය නමුත් අවම වශයෙන් එක් ක්රීඩිකාවක් ගුවන් යානයට නැගීම ප්රතික්ෂේප කළ බවයි වාර්තා වන්නේ.
තවත් ක්රීඩිකාවන් දෙදෙනෙකු ඕස්ට්රේලියාවේ රැඳී සිටීමට තෝරාගෙන ඇති බවට ආරංචි පැතිර ගිය විට ආධාරකරුවන් ඔල්වරසන් දී තිබෙනවා.
අමාත්ය බර්ක් පවසන්නේ අද උදෑසන යාවත්කාලීන කිරීමක් ලබා දීමට සැලසුම් කරන බවයි.
මේ අතර ඊයේ ඉරාන කාන්තා පාපන්දු කණ්ඩායමේ සාමාජිකයින් පොලිස් ආරක්ෂාව යටතේ ගුවන්තොටුපළට රැගෙන ගොස් තිබෙනවා.
එහිදී විරෝධතාකරුවන් “Save our girls” යනුවෙන් විරෝධය පළ කර ඇති බවයි වාර්තා වන්නේ.
තොරතුරු අනුව එම කණ්ඩායම Sydney Airport වෙතින් Malaysia Airlines ගුවන් යානයකින් Kuala Lumpur නගරයට පිටත්ව යාමට නියමිතයි.
