මෙරට රැඳීසිටින ශ්රී ලාංකික විවෘත ජල පිහිනුම් ක්රීඩකයෙකු වන Tharusha Perera මේ වනවිට ජාත්යන්තර පිහිනුම් ක්ෂේත්රයේ ඉදිරියෙන් සිටින ක්රීඩකයෙකු වනවා.
ඔහු පසුගිය වසරේ World Aquatics Championships තරඟාවලියට Singapore හිදී ශ්රී ලංකාව නියෝජනය කරමින් සහභාගී වූ අතර, 2024 දී World Junior Open Water Swimming Championships තරඟාවලියට ඉතාලිහිදී ද තරඟ වැදුණා.
ඔස්ට්රේලියාව පුරා පැවැත්වෙන විවෘත ජල පිහිනුම් තරඟ රැසකටද ඔහු නිතර සහභාගී වෙමින් බොහෝ අවස්ථාවල පළමු තිදෙනා අතර ස්ථානය ලබාගැනීමද විශේෂත්වයක්.
අවසන් වශයෙන් ඔහු ශ්රී ලංකාවේ පැවැත්වෙන ඉතා පැරණි හා ගෞරවනීය තරඟයක් වන කොළඹහිදී පැවැත්වූ Mount Lavinia 2‑Mile Sea Swim 87 වන තරඟයේදී සුවිශේෂී ජයක් හිමිකර ගත්තා.
මෙරට පුහුණුව ලබමින් සිටියද ශ්රී ලංකාව නියෝජනය කරමින් ජාත්යන්තර තරඟවලට එක්වන Tharusha Perera ඉදිරියේදී ලෝක මට්ටමේ තරඟවල ඉහළම මට්ටමින් තරඟ කිරීමටත්, ශ්රී ලාංකික තරුණ පිහිනුම් ක්රීඩකයන්ගේ ඊළඟ පරම්පරාවට පෙළඹවීමත් ඔහුගේ අරමුණ බව සඳහන්.
