ශ්රී ලංකා ක්රිකට් කණ්ඩායමේ නව ප්රධාන පුහුණුකරු තනතුරට Gary Kirsten පත් කර තිබෙනවා.
ඒ අනුව ඔහු ලබන අප්රියෙල් 15 වැනිදා සිට සිය ධූරයේ රාජකාරි ඇරඹීමට නියමිත බවයි පැවසෙන්නේ.
මෙම පත් කිරීම සිදු කර ඇත්තේ වසර 2ක කාල සීමාවක් සඳහා බව වාර්තා වනවා.
හිටපු දකුණු අප්රිකානු ක්රිකට් ක්රීඩකයෙකු මෙන්ම පුහුණුකරුවෙකුද වන Gary Kirsten ඉන්දියානු කණ්ඩායමේ ප්රධාන පුහුණුකරු ලෙස ද 2008 සිට 2011 දක්වා කටයුතු කර තිබෙනවා.
ඔහුගේ මග පෙන්වීම යටතේ ඉන්දියාව 2011 වසරේ ICC ක්රිකට් ලෝක කුසලානයද දිනා ගත්තා.
එමෙන්ම 2011 වසරේ සිට 2013 වසර දක්වා ඔහු දකුණු අප්රිකානු ක්රිකට් කණ්ඩායමේ පුහුණුකරු ලෙස ද ක්රියා කර තිබෙනවා.
හිටපු ශ්රී ලංකා ක්රිකට් ක්රීඩක සනත් ජයසූරිය ප්රධාන පුහුණුකරු ධූරයෙන් ඉවත් වීමත් සමග Gary Kirsten එම තනතුර සඳහා පත් කර ඇති බවයි පැවසෙන්නේ.
