ඉරානයේ ජාතික ආරක්ෂක උපදේශක අලි ලරාජානි විසින් අතුරු නායකත්ව කවුන්සිලයේ හදිසි රැස්වීමක් කැඳවා තිබෙනවා.
උත්තරීතර නායක අයතුල්ලා අලි කමේනිගේ ඝාතනයෙන් පසු ඇති වූ පාලන හිඩැස පිරවීම එහි අරමුණයි.
ප්රහාරයෙන් දිවි ගලවා ගත් කමේනිගේ පුත්රයා මීළඟ නායකත්වය සඳහා පත්වීමේ වැඩි ඉඩකඩක් පවතින බවයි වාර්තා වන්නේ.
මේ අතර මැදපෙරදිග අර්බුදය හේතුවෙන් ඉදිරි සති කිහිපය තුළ ඔස්ට්රේලියාවේ ඉන්ධන මිල 40% කින් පමණ ඉහළ යා හැකි බවට ආර්ථික විශේෂඥයින් අනතුරු අඟවනවා.
මෙය 1970 දශකයෙන් පසු ලෝකය මුහුණ දෙන දරුණුතම තෙල් අර්බුදය ලෙසයි ඔවුන් හඳුන්වා දී ඇත්තේ.
හෝමුස් සමුද්ර සන්ධිය හරහා නාවික ගමනාගමනය මේ වන විට සම්පූර්ණයෙන්ම පාහේ නැවතී තිබෙනවා.
ඉරාන විප්ලවීය ආරක්ෂක බලකාය විසින් නෞකාවලට එහි ගමන් නොකරන ලෙස අනතුරු ඇඟවීම ඊට හේතුවයි.
ඉරානයේ මෙම දේශපාලන අස්ථාවරත්වය සහ හෝමුස් සමුද්ර සන්ධියේ අවහිරතාවය හේතුවෙන් ලෝක ආර්ථිකයට එල්ල වන බලපෑම ඉදිරි පැය කිහිපය තුළ තීරණාත්මක වනු ඇති බව ද විශේෂඥයින් පෙන්වා දෙනවා.
