ඔස්ට්‍රේලියාවේ බටහිර Perth නගරයේ දකුණු ප්‍රදේශයේ පැතිර යන විශාල ලැව්ගින්නක් හේතුවෙන් ප්‍රදේශවාසීන්ට වහාම ආරක්ෂිත ස්ථාන කරා ඉවත් වන ලෙස බලධාරීන් අනතුරු අඟවා තිබෙනවා.

නොවැම්බර් 8 වන ඉරිදා දහවල් 12.45ට පමණ Casuarina ප්‍රදේශයේ Lugg Place ආසන්නයේ කැලෑබද ප්‍රදේශයකින් මෙම ගින්න ආරම්භ වී ඇති බවටයි වාර්තා වන්නේ .

ගින්න අසල පිහිටි ගබඩා ගොඩනැගිල්ලක් (Shed) වෙතද පැතිර ගොස් ඇති බවටද බටහිර ඔස්ට්‍රේලියානු ගිනි හා හදිසි සේවා දෙපාර්තමේන්තුව සඳහන් කර තිබෙනවා.

Landgren Road, Mortimer Road, Kwinana Freeway සහ Orton Road යන මාර්ගවලින් සීමා වූ Casuarina ප්‍රදේශයේ ජනතාවට හදිසි Watch and Act අනතුරු ඇඟවීමක් නිකුත් කර තිබෙන බවටයි සදහන් .

ගින්න පැතිර යාමත් සමඟ ජීවිත සහ නිවාසවලට තර්ජනයක් ඇති විය හැකි බවත්, තත්ත්වය වේගයෙන් වෙනස් විය හැකි බවටයි බලධාරීන් අවධාරණය කරන්නේ .

Hope Valley, Cockburn, Kwinana සහ Oakford ප්‍රදේශවල ගිනි නිවන කණ්ඩායම් ගින්න පාලනය කිරීම සඳහා යොමු කර ඇති අතර Mandogalup ගිනි නිවන කණ්ඩායමක් ද මෙහෙයුමට එක් කර තිබෙනවා.

ආරක්ෂිතව පිටවීමට හැකියාව ඇත්නම් ප්‍රමාද නොවී ඉවත් වන ලෙසත්, හදිසි බලධාරීන්ගේ උපදෙස් අනුගමනය කරන ලෙසත් ජනතාවට දැනුම් දී තිබෙනවා.