ඔස්ට්‍රේලියාවේ ඉහළ යන ජීවන වියදම් සහ නිවාස ණය පොලී අනුපාත හමුවේ, තමන් ප්‍රිය කරන දෛනික පහසුකම් අත්නොහැර වසරකට ඩොලර් 5,000කට ආසන්න මුදලක් ඉතිරි කරගත හැකි බව නවතම Canstar පර්යේෂණයකින් අනාවරණය වී තිබෙනවා.

Canstar Data Insights අධ්‍යක්ෂ Sally Tindall පෙන්වා දෙන්නේ ව්‍යායාම, රූපලාවණ්‍ය කටයුතු සහ ආහාරපාන සඳහා වැයවන මුදල් සරල වෙනස්කම් කිහිපයකින් සැලකිය යුතු ලෙස අඩුකරගත හැකි බවයි.

ඔස්ට්‍රේලියානුවන් Gym Membership සඳහා මාසිකව සාමාන්‍යයෙන් ඩොලර් 77ක් හෙවත් වසරකට ඩොලර් 924ක් වැය කරන අතර, ඒ වෙනුවට නොමිලේ පැවැත්වෙන Parkrun වැඩසටහන් සහ Online Fitness Classes භාවිත කිරීමෙන් මෙම මුදල ඉතිරි කරගත හැකි බව ඇය පෙන්වා දෙනවා.

එමෙන්ම මාසිකව ඩොලර් 100ක් පමණ වැය කරමින් Massage සේවා ලබාගන්නා පුද්ගලයන්ට ඩොලර් 9ක් පමණ වන Foam Roller එකක් භාවිත කිරීමෙන් වසරකට ඩොලර් 1,166ක් දක්වා ඉතිරි කරගත හැකි බවද Canstar ගණනය කර තිබෙනවා.

රූපලාවණ්‍ය කටයුතු සඳහා මාසිකව ඩොලර් 70ක් පමණ වැය කරන කාන්තාවන්ට නැවත නැවත භාවිත කළ හැකි Press-on Nails තෝරාගැනීමෙන් වසරකට ඩොලර් 664ක් පමණ ඉතිරි කරගැනීමට හැකි වනවා.

ආහාර වියදම් සම්බන්ධයෙන්ද Canstar ආයතනය වැදගත් යෝජනා කිහිපයක් ඉදිරිපත් කර තිබෙනවා.

විශේෂයෙන් නිවසේදී පාන් සෑදීම සඳහා Bread Maker යන්ත්‍රයක් භාවිත කිරීමෙන් සතියකට Sourdough පාන් ගෙඩි දෙකක් පරිභෝජනය කරන පවුලකට වසරකට ඩොලර් 633ක් පමණ ඉතිරි කරගත හැකි බව සඳහන්.

එමෙන්ම දිනපතා වෙළෙඳසැල්වලින් Sparkling Water මිලදී ගන්නා පුද්ගලයන්ට SodaStream යන්ත්‍රයක් භාවිත කිරීමෙන් වසරකට ඩොලර් 922ක් පමණ ඉතිරි කරගැනීමට හැකි බවද පෙන්වා දෙනවා.

පිරිමින්ට තමන්ගේ හිසකෙස් කැපීම සඳහා නිවසේ Hair Clippers භාවිත කිරීම ද අමතර මුදල් ඉතිරි කරගත හැකි තවත් ක්‍රමයක් ලෙස හඳුන්වාදී තිබෙනවා.

මෙවැනි සරල වෙනස්කම් සියල්ල එකතු කළ විට පළමු වසර තුළම ඩොලර් 5,000කට ආසන්න මුදලක් ඉතිරි කරගැනීමේ හැකියාව පවතින බවයි Canstar ආයතනය පෙන්වා දෙන්නේ.

කෙසේ වෙතත්, මෙම ඉතිරිකිරීම් එක් එක් පවුලේ වියදම් සහ පරිභෝජන රටාව අනුව වෙනස් විය හැකි අතර, දෛනික ජීවිතයේ සතුට අත්නොහැර වියදම් පාලනය කිරීම මෙහි ප්‍රධාන අරමුණ වනවා.