Victoria ප්‍රාන්ත මැතිවරණයට පෙර දේශපාලන ප්‍රචාරණ කටයුතු සඳහා AI තාක්ෂණයෙන් නිර්මාණය කළ වීඩියෝ භාවිත කිරීම සම්බන්ධයෙන් දැඩි විවාදයක් මතුව තිබෙනවා.

විශේෂයෙන්ම දේශපාලන නායකයන්ගේ මුහුණු සහ කටහඬ යොදාගෙන ඔවුන් සැබෑවටම නොකළ ප්‍රකාශ කළා සේ පෙන්වන වීඩියෝ සමාජ මාධ්‍ය ඔස්සේ ප්‍රචාරය වීම මෙයට හේතුවයි.

මෑතකදී Victorian Labor පක්ෂය විසින් පළ කළ AI වීඩියෝවකින් Liberal පක්ෂ නායිකා Jess Wilson, ඇමෙරිකානු ආකාරයේ සෞඛ්‍ය සේවාවක් හඳුන්වාදීමට සහාය දක්වන බවට පෙනෙන ආකාරයේ ප්‍රකාශයක් ඉදිරිපත් කර තිබුණා.

නමුත් එම වීඩියෝවේ දැක්වෙන ආකාරයට තමන් එවැනි ප්‍රකාශයක් සිදු නොකළ බව Jess Wilson පවසා ඇති අතර, ඇය එය දේශපාලන මඩ ප්‍රචාරයක් ලෙසද විවේචනය කර තිබෙනවා.

මේ අතර Liberal පක්ෂයද Premier Ben Carroll නිදා සිටින ආකාරය දැක්වෙන AI වීඩියෝ සමාජ මාධ්‍යයට එක් කර තිබෙනවා. Advance Australia සහ One Nation වැනි කණ්ඩායම්ද AI නිර්මාණය කළ මැතිවරණ ප්‍රචාරණ වීඩියෝ භාවිත කර තිබෙනවා.

මෙවැනි වීඩියෝ හරහා ඡන්දදායකයන් නොමඟ යැවීමේ අවදානමක් පවතින බවට විශේෂඥයන් අනතුරු අඟවන අතර, දේශපාලන ප්‍රචාරණවල AI භාවිතය සම්බන්ධයෙන් පැහැදිලි නීති සහ සීමාවන් අවශ්‍ය බවට ඉල්ලීම්ද ඉදිරිපත් වී තිබෙනවා.

මේ සම්බන්ධයෙන් Victorian Electoral Commission ද පෙන්වා දෙන්නේ AI භාවිතයෙන් නිර්මාණය කළ මැතිවරණ ප්‍රචාරණ දැනුම්දීම් පවතින මැතිවරණ නීති සහ අවසර ලබාදීමේ අවශ්‍යතාවලට අනුකූල විය යුතු බවයි.