One Nation පක්ෂයේ රැලියකදී එලි දක්වන ලද AI තාක්ෂනය මගින් සෑදු වීඩියෝ පටයක් සම්බන්ධව One Nation පක්ෂයේ වික්ටෝරියා ප්‍රාන්තයේ නියෝජ්‍ය නායක Colleen Harkin විසින් ප්‍රකාශයක් නිකුත් කර තිබෙනවා.

අදාළ වීඩියෝවේ ඉන්දියානු රියදුරෙකු, machete එකක් අතැති අප්‍රිකානු සම්භවයක් සහිත තරුණයෙකු සහ මරාගෙන මැරෙන බෝම්බ ඇඳුමක් පැළඳ සිටින මැදපෙරදිග සම්භවයක් සහිත පුද්ගලයෙකු නිරූපණය කර ඇති බව වාර්තා වනවා.

පක්ෂය විසින් ඔවුන්ගේ ප්‍රචාරණ කටයුතු සඳහා යොදාගත් එම වීඩියෝ පටය ජාතිවාදී අදහස් ඉස්මතු කරන වීඩියෝ පටයක් බවට එල්ල වන චෝදනා හමුවේ යි ඇය මෙම ප්‍රකාශය නිකුත් කර තිබෙන්නේ.

මෙය ඔස්ට්‍රේලියාවේ වැරදි ලෙස සිදුවෙමින් පවතින දේවල් පිළිබඳව ජනතාව අතර පවතින පොදු අදහස් ප්‍රකාශ කරන පණිවිඩයක් සහ එම ගැටලු නිවැරදි කිරීම සඳහා කළ යුතු දේ පිළිබඳවත් එම විඩියෝවෙන් පෙන්වා දෙන බවයි ඇය පවසන්නේ.

මෙම වීඩියෝ පටය රුපවාහිනී වල විකාශය කර නොමැති බවයි වාර්තා වෙන්නේ.

එළඹෙන නොවැම්බර් මාසයේදී පැවැත්වීමට නියමිත වික්ටෝරියානු ප්‍රාන්ත මැතිවරණය ඉලක්ක කර ගනිමින් දේශපාලන පක්ෂ ප්‍රවර්ධනය කිරීම සඳහා AI භාවිතයෙන් වීඩියෝ පට නිර්මාණය කිරීම මේ දින වල සුලබව සිදුවනවා.