30 හැවිරිදි Melbourne හි පදිංචිකරුවෙකු වන Jordan Yap නම් කඳු නගින්න පේරු රාජ්‍යයේ සංචාරය කරමින් සිටින අතරතුර ජීවිතක්ෂයට පත්ව ඇති බව වාර්තා වනවා.

Peru රාජ්‍යයේ කඳු සහිත ප්‍රදේශයක තනිව සංචාරයක යෙදී සිටි ඔහු මීට මාසයකට පමණ පෙර අතුරුදහන් වී ඇති බවට වාර්තා වුණා.

ඔහුගේ මළ සිරුර Peru රාජ්‍යයේ Mitucocha Lagoon ප්‍රදේශයෙන් සොයාගැනීමත් සමග ඔහු මියගොස් ඇති බව ඔහුගේ සමීපතමයින් විසින් පළ කරන ලද සමාජ මාධ්‍ය සටහනක සඳහන්ව තිබෙනවා.

ඔහු අතුරුදහන් වූ බවට ඔහුගේ පවුලේ සාමාජිකයින් විසින් දැනුම් දී ඇත්තේ සංචාරය නිම කර ඔහු නියමිත දිනට ඔහු නවාතැන් ගත් හෝටලය වෙත නොපැමිණි නිසා බවයි පැවසෙන්නේ.

Jordan Yap ගේ මරණය පිළිබඳව ඉදිරි කටයුතු සඳහා ඔහුගේ පවුලේ සාමාජිකයින් වෙත අවශ්‍ය consular සහය ලබා දෙමින් සිටින බව ඔස්ට්‍රේලියානු විදේශ සබඳතා සහ වෙළඳ දෙපාර්තමේන්තුව නිවේදනය කර තිබෙනවා.