කෘතීම බුද්ධියේ සිදුවන ශීඝ්‍ර දියුණුවත් සමග බොහෝ සමාගම් තමන්ගේ සම්මුඛ පරීක්ෂණ කටයුතු සඳහා කෘතීම බුද්ධිය භාවිතා කරමින් සිටිනවා.

එහිදී භාවිතා වන තාක්ෂණයත් සමග තමන්ට අසාධාරයක් සිදු වන බව වැඩිහිටි ඔස්ට්‍රේලියානුවන් පවසන බවයි වාර්තා වෙන්නේ.

මෙහිදී CV Botox කිරීම මූලික වශයෙන් භාවිතා වන අතර එහිදී සිදු වන්නේ කෙනෙකු සතුව ඇති දිගු කාලින සුදුසුකම් සහ දීර්ඝ කාලයකට පෙර ලබාගත් අධ්‍යාපන සුදුසුකම් ඉවත් කිරීමයි.

එමෙන්ම පුද්ගලයින්ගේ වයස ද මෙහෙදී CV සඳහා ඇතුලත් නොකරන අතර ඉහත ක්‍රමවේද අනුගමනය නොකරන CV AI තාක්ෂණය මගින් ස්වයංක්‍රියවම ඉවත් කරන බවයි පැවසෙන්නේ.

මෙම නව ක්‍රමයට සකසන CV සහ අයදුම්පත්‍ර සඳහා උපරිම වශයෙන් පසුගිය වසර 7 තුළ ලබාගත් රැකියා අත්දැකීම් සහ අධ්‍යාපන සුදුසුකම් පමණක් ඇතුලත් කරනවා.

මෙහිදී සලකනු ලබන්නේ කෙනෙකුගේ තරුණ භාවය පමණක් වන අතර වැඩිහිටි පුද්ගලයින් තමන් සතු දීර්ඝ කාලීන සුදුසුකම් ඉදිරිපත් කිරීම මගින් ඔවුන්ගේ අයදුම්පත් AI තාක්ෂණයෙන් ඉවත් කරනු ඇතැයි සඳහන්.