ඇමරිකානු පර්යේෂකයින් කණ්ඩායමක විසින් සිදු කරන ලද නවතම පරීක්ෂණයකින් පෙර සැකසූ සහ ක්ෂණික අහාර මිනිස් සිරුරට මෙන්ම මොළයට එල්ල කරන අහිතකර බලපෑම් සම්බන්ධව වාර්තාවක් නිකුත් කර තිබෙනවා.

එම වාර්තාවට අනුව පෙර සැකසූ සහ ක්ෂණික ආහාර සඳහා යොදා ගන්නා විවිධ රසකාරක වර්ග, වර්ණක සහ සුවඳ ගැන්වීම සදහා යොදාගනු ලබන රසායනික නිර්මාණය කර ඇත්තේ ඉතා කෙටි කාලයක් සඳහා එම රසයන ලබා පසු නැවත නැවත එවැනි ආහාර ලබා ගැනීමට මිනිස් සිරුර පෙළඹ වීමටත් බවයි සඳහන් වෙන්නේ.

මෙම පරීක්ෂණය සඳහා පුද්ගලයින් 60 දෙනෙකු යොදාගෙන ඇති අතර ඔවුන්ගේ මොළයේ ක්‍රියාකාරීත්වය scan කිරීම මගින් නිරීක්ෂණය කිරීමෙන් මෙම වාර්තාව සකසා තිබෙනවා.

පරීක්ෂණයට යොදාගත් පුද්ගලයින් හට සෞඛ්‍ය සම්පන්න ආහාර සහ පෙර සැකසූ ක්ෂණික ආහාර ලබා දී අවස්ථා 2 දී මොළයේ එකිනෙකට වෙනස් ක්‍රියාකාරිත්වයන් scan මගින් නිරීක්ෂණය කර ඇති බව පැවසෙනවා.

Virginia Tech හි ස්නායු විශේෂඥ Associate Professor Alex Di Feliceantonio ප්‍රකාශ කර තිබුණේ අප ගන්න ආහාර මගින් මොලයේ ක්‍රියාකාරිත්වය වෙනස් කළ හැකි බවයි.

එමෙන්ම පෙර සැකසූ ආහාර වල විවිධ රසයන් සඳහා භාවිතා කරන රසායනික විශේෂ මගින් රුධිර ගත සීනි මට්ටම දීර්ඝ කාලීනව ඉහළ දමන බවත් එය බෝ නොවන රෝග රාශියක් සඳහා හේතු වන බවත් මෙම පර්යේෂණයෙන් සොයාගෙන තිබෙනවා.