අභ්‍යවකාශය තුළ සහ සඳ මත මෙන්ම අඟහරු ග්‍රහයා මත ඉන්ධන සහ වෙනත් රසායනික ද්‍රව්‍ය නිෂ්පාදනය කිරීමේ හැකියාව පිළිබඳව ඔස්ට්‍රේලියානු පරීක්ෂකයින් කණ්ඩායමක් විසින් පරීක්ෂණයක් පවත්වා තිබෙනවා.

ඔවුන්ගේ අරමුණ වී ඇත්තේ අනාගතයේදී අභ්‍යවකාශ ගමන් වල සිදුවන දියුණුව සහ චන්ද්‍රයා මත සහ අඟහරු ග්‍රහයා මත ජනාවාස ඉදි කිරීම වැනි කාර්යයන් හීදී ඒවාට අවශ්‍ය වන ඉන්ධන සහ වෙනත් රසායනික ද්‍රව්‍ය අභ්‍යවකාශයේදී ම නිෂ්පාදනය කර ගැනීමයි.

University of Western Australiaහි International Space Centre කණ්ඩායම මගින් මෙම පරීක්ෂණය සිදු කර තිබෙනවා.

පරීක්ෂණය සඳහා මූලික වශයෙන් methane සහ carbon dioxide වායූන් භාවිතා කර තිබෙන අතර එම වායූ භාවිතයෙන් සාදාගත් වායු මිශ්‍රණයක් මෙලෙස ඉන්ධන සහ අනෙකුත් රසායනික ද්‍රව්‍ය නිෂ්පාදනයට භාවිතා කළ බවයි සඳහ වෙන්නේ.

දැනට පෘතුවිය මත සිදු කරන මෙවැනි නිෂ්පාදන ගුරුත්වජ බලපෑම නොමැති අවස්ථාවන් හෙවත් අභ්‍යවකාශයේදී සිදු කරන විට එම ක්‍රියාවලි ප්‍රතිචාර දක්වන ආකාරය පිළිබඳව නිරීක්ෂණය කිරීම සඳහා ද මෙම පරීක්ෂණය වැඳගත් වූ බව University of Western Australiaහි Centre for Future Catalysis අංශයේ ප්‍රධානී, මහාචාර්ය Hongqi Sun පවසා සිටියේ.

මෙම පරීක්ෂණය සඳහා University of Melbourne, University of NSW සහ University of Western Australiaහි අධ්‍යාපනය ලබමින් සිටින සිසුන් පිරිසක් ද සහභාගී වී තිබුනා.

මෙවැනි පර්යේෂණ අනාගත අභ්‍යවකාශ ගමන් වල දියුණුව උදෙසා විශාල ලෙස ප්‍රයෝජනවත් වනු ඇතැයි විද්‍යාඥයින් පවසනවා.