ඔස්ට්‍රේලියාවේ First Nations සේවකයන් සාමාන්‍යයෙන් අනෙක් Australian workersලාට වඩා පැයකට 16%කින් අඩු වැටුපක් ලබන බව නව වාර්තාවකින් හෙළි වී තිබෙනවා.

University of Technology Sydney හි Centre for Indigenous People and Work සහ Indigenous Business Australia එක්ව නිකුත් කළ මෙම වාර්තාවට අනුව, First Nations සේවකයන් සාමාන්‍ය Australian worker කෙනෙකු උපයන සෑම ඩොලරයකටම සෙන්ට් 84ක් පමණ උපයනවා.

මෙම වැටුප් පරතරය කළමනාකරුවන්ගේ සිට labourers දක්වා ප්‍රධාන රැකියා කාණ්ඩ අටේම දක්නට ලැබුණු අතර, professionals කාණ්ඩයේ පරතරය 19.5%ක් ලෙස ඉහළම මට්ටමක පැවති බව වාර්තාව සඳහන් කරනවා.

රැකියා ක්ෂේත්‍රය, වයස, අධ්‍යාපන සුදුසුකම් සහ සේවය කරන පැය ගණන වැනි කරුණු සලකා බැලීමෙන් පසුවත් මෙම පරතරය සම්පූර්ණයෙන් පැහැදිලි කළ නොහැකි බව පර්යේෂකයන් පෙන්වා දී තිබෙනවා.

227කට වැඩි රැකියා වෘත්තීන් පිළිබඳ දත්ත විශ්ලේෂණය කිරීමේදී, වෘත්තීන් තුනෙන් දෙකකට වැඩි ප්‍රමාණයක First Nations සේවකයන්ගේ පැයක වැටුප අනෙක් සේවකයන්ට වඩා අඩු බවත් හෙළි වී තිබෙනවා.

වාර්තාව අනුව මෙම වැටුප් පරතරය වාර්ෂික ආදායමෙන් විශාල බලපෑමක් ඇති කරන අතර, එහි ප්‍රතිඵලයක් ලෙස 2022–23 වසරේ පමණක් Indigenous workersලාට අහිමි වූ ආදායම ඩොලර් බිලියන 3ක් පමණ විය හැකි බව පර්යේෂකයන් සඳහන් කරනවා.

මෙම තත්ත්වය වෙනස් කිරීම සඳහා සේවා ස්ථානවල racial discrimination වැළැක්වීමට employersලාට වැඩි වගකීමක් ලබාදීම ඇතුළු ක්‍රියාමාර්ග ගත යුතු බව වාර්තාව නිර්දේශ කර තිබෙනවා.