අමෙරිකානු ජනාධිපති ඩොනල්ඩ් ට්‍රම්ප් විසින් CNN, Politico සහ MS Now යන ප්‍රධාන පෙළේ මාධ්‍ය ආයතන තුනට White House එකට ඇතුළුවීම තහනම් කරමින් ගත් ආන්දෝලනාත්මක තීරණය අමෙරිකානු ෆෙඩරල් විනිසුරුවරයෙකු විසින් බලරහිත කර තිබෙනවා.

අදාළ මාධ්‍ය ආයතන විසින් ඉදිරිපත් කළ නඩුවක් විභාග කළ ෆෙඩරල් විනිසුරු Timothy Kelly, එම මාධ්‍යවේදීන්ගේ Press Passes වහාම නැවත ලබා දෙන ලෙසත්, ඉදිරි දින 14 ක කාලයක් සඳහා මෙම තහනම ක්‍රියාත්මක නොකරන ලෙසත් නියෝග කරනු ලැබුවා.

Trump විසින් සැප්තැම්බර් 18 වනදා මෙම මාධ්‍ය තුන White House වෙතින් තහනම් කළේ ඔවුන්ගේ වාර්තාකරණය “fake news” ලෙස විවේචනය කරමින්.

පසුව අදාළ මාධ්‍ය ආයතන තම First Amendment සහ due process අයිතිවාසිකම් උල්ලංඝනය වී ඇති බව කියමින් නඩු පවරා තිබුණා.

කෙසේ වෙතත්, නිසි විමසීමකින් තොරව සහ නීත්‍යානුකූල ක්‍රියාපටිපාටියක් අනුගමනය නොකර ගත් මෙම තීරණය ව්‍යවස්ථාවට පටහැනි බවයි අධිකරණය පෙන්වා දී ඇත්තේ.

මෙම තහනම ජාතික ආරක්ෂාව පදනම් කර ගනිමින් පනවා ඇති බවට රජයේ නීතිඥයින් ඉදිරිපත් කළ සාක්ෂි ප්‍රමාණවත් නොවන බව ද අධිකරණය සඳහන් කළා.

මේ අතර මෙම තහනමට විරෝධය පළ කරමින් අනෙකුත් ප්‍රධාන මාධ්‍ය ආයතන ද ජනාධිපතිවරයාගේ කටයුතු ආවරණය කිරීමෙන් තාවකාලිකව ඉවත් වීමට පියවර ගෙන තිබීම විශේෂත්වයක්.