ඔස්ට්රේලියාවේ Superannuation මුදල් ලබාගත හැකි වයස සහ ඒවා කලින් ලබාගැනීමේ හැකියාව සම්බන්ධයෙන් දේශපාලන මතභේදයක් උණුසුම් වෙමින් තිබෙනවා.
Labor රජය පවසන්නේ රටේ අනිවාර්ය Superannuation ක්රමය ආරක්ෂා කරන බවයි. Treasurer Jim Chalmers අනතුරු අඟවා ඇත්තේ Coalition සහ One Nation පක්ෂවල යෝජනා ක්රියාත්මක වුවහොත්, මිලියන ගණනක් Australian workersගේ විශ්රාමික ආදායම්වලට බලපෑමක් ඇතිවිය හැකි බවයි.
දැනට ඔස්ට්රේලියාවේ සේවා යෝජකයන් විසින් සේවක වැටුපෙන් අවම වශයෙන් 12%ක් Super fund එකකට ගෙවිය යුතු අතර, සාමාන්යයෙන් එම මුදල් ලබාගත හැක්කේ වයස අවුරුදු 60 සම්පූර්ණ වූ පසුවයි.
කෙසේ වෙතත්, Liberal Senator Andrew Bragg Superannuation ක්රමය දැඩි ලෙස විවේචනය කර ඇති අතර, Coalition Deputy Leader Jane Hume පවසන්නේ අනිවාර්ය Superannuation වෙනස් කිරීමට ඔවුන් සැලසුම් නොකරන බවයි.
මේ අතර One Nation නායිකා Pauline Hanson පවසන්නේ ජීවන වියදම් ගැටලු නිසා දැඩි මූල්ය පීඩනයකට පත්ව සිටින Australiansලාට තම Super මුදල් කලින් ලබාගැනීමට වැඩි අවස්ථාවක් ලබාදිය යුතු බවයි. විශේෂයෙන් mortgage ගෙවීම් වැනි වියදම් සඳහා එම මුදල් භාවිත කිරීමට අවස්ථාවක් තිබිය යුතු බව ඇය පෙන්වා දී තිබෙනවා.
Coalition පාර්ශ්වය මීට පෙර පළමු නිවස මිලදී ගැනීම සඳහා Superannuation වලින් ඩොලර් 50,000ක් දක්වා ලබාගැනීමට ඉඩදීමේ යෝජනාවක් ඉදිරිපත් කර තිබුණා.
මේ අතර Superannuation ක්රමයට සහය දක්වන Association of Superannuation Funds Australia පවසන්නේ Superannuation හේතුවෙන් Age Pension මත රඳා සිටින පිරිස අඩුවී ඇති බවයි.
ඒ අනුව, “Super එක විශ්රාමයට තබාගත යුතුද, නැතිනම් ජීවන වියදම් සහ නිවාස ගැටලු සඳහා කලින් භාවිත කිරීමට ඉඩදිය යුතුද?” යන ප්රශ්නය ඉදිරි මැතිවරණයට පෙර ප්රධාන දේශපාලන මාතෘකාවක් විය හැකි බවට දැන් අවධානය යොමුව තිබෙනවා.
