Commonwealth බැංකු ප්රධානී Matt Comyn, ඔස්ට්රේලියාවේ GST බද්ද සියයට 10 සිට සියයට 15 දක්වා වැඩි කිරීම සඳහා භාණ්ඩාගාර අමාත්ය Jim Chalmers වෙත යෝජනා කර තිබෙනවා.
ඔහු පවසන්නේ රටේ වත්මන් ආර්ථික ගමන දිගටම ගියහොත් අනාගතයේ බදු ආදායම වැඩි කිරීමට සිදුවිය හැකි බවයි.
GST වැඩි කිරීම සමඟ පුද්ගල ආදායම් බද්ද අඩු කිරීම වැනි වෙනස්කම්ද එකට සිදුකළ යුතු බව ඔහුගේ අදහසයි.
GST සියයට 15 කළහොත් රජයට වසරකට අමතර ඩොලර් බිලියන ගණනක ආදායමක් ලැබිය හැකි බව මීට පෙර ඉදිරිපත් කළ ගණනය කිරීම්වල සඳහන් වෙනවා.
එම මුදලෙන් අඩු ආදායම් ලබන පවුල්, විශ්රාමිකයන් සහ සහනාධාර ලබන අයට සහන ලබාදිය හැකි බවත් යෝජනා වී තිබෙනවා.
කෙසේවෙතත් GST වැඩි කළහොත් විදුලි බිල්, ඉන්ධන, nappies, toilet paper, පාසල් සපත්තු, insurance සහ නිවාස ඉදිකිරීම් ද්රව්ය වැනි දේවලට ජනතාව ගෙවන බද්දත් වැඩි විය හැකි බවයි Pauline Hanson පෙන්වා දෙන්නේ.
ජීවන වියදම් අර්බුදයෙන් ජනතාව පීඩාවට පත්ව සිටින අවස්ථාවක දෛනික අවශ්යතා සඳහා තවත් බදු ගෙවන්න කියන අදහස පිළිගත නොහැකි බව Hanson දැඩිව විවේචනය කළා.
කෙසේ වෙතත් GST සියයට 15 කිරීම සඳහා රජය මෙතෙක් කිසිදු තීරණයක් ගෙන නැහැ.
