ඔස්ට්රේලියාවේ ජාතික ආබාධිත රක්ෂණ ක්රමය හෙවත් NDIS (National Disability Insurance Scheme)හි ඉදිරියේදී සිදුවීමට නියමිත සංශෝධන සහ කප්පාදු කිරීම් කිසිසේත්ම ප්රමාද කිරීමට රජය අපේක්ෂා නොකරන බව NDIS අමාත්ය Jenny McAllister පවසනවා.
පාර්ලිමේන්තුවේදී විපක්ෂයේ (Coalition) සහය ඇතිව මෙම නීතිමය සංශෝධන අනුමත කර ගැනීමට රජය සූදානම් වන අතර, ඉදිරි වසර 4 තුළ එමඟින් ඩොලර් බිලියන 36කට වැඩි මුදලක් ඉතිරි කර ගැනීමට නියමිතයි.
මෙම අලුත් යෝජනා යටතේ පුද්ගලයින් 300,000ක් පමණ NDIS සේවාවන්ගෙන් ඉවත් කිරීමට හෝ අලුතින් එක්වීම වැළැක්වීමට සැලසුම් කර ඇති බවයි වාර්තා වන්නේ.
කෙසේ වෙතත් විකල්ප සහන සේවාවන් (Foundational supports) තවමත් නිසි ලෙස ස්ථාපනය කර නොමැති පසුබිමක, ආබාධිත පුද්ගලයන් අසරණ විය හැකි බවට විවිධ පාර්ශ්ව සහ ප්රාන්ත අමාත්යවරුන් චෝදනා කරනවා.
එහෙත් ඇමැතිවරිය සඳහන් කළේ ‘Thriving Kids’ නමැති විකල්ප සහන වැඩසටහන ලබන ඔක්තෝබර් 1 වනදා සිට නියමිත පරිදි ආරම්භ කරන බවයි.
මේ අතර NDIS අරමුදල් වංචනික ලෙස ලබාගන්නා පුද්ගලයින්ට සහ සංවිධානවලට එරෙහිව දැඩි නීතිමය පියවර ගැනීමට ද මෙම නව පනතින් යෝජනා කර තිබෙනවා.
