වික්ටෝරියා ප්රාන්තයේ පවතින දැඩි පොලිස් නිලධාරීන්ගේ හිඟයට සහ ඉහළ යන අපරාධ රැල්ලට විසඳුමක් ලෙස, විශ්රාමික පොලිස් නිලධාරීන් සිය ගණනක් නැවතත් Reservists නිලධාරීන් ලෙස සේවයට බඳවා ගැනීමට පියවර ගෙන තිබෙනවා.
මෙම අතිරේක නිලධාරීන් විසින් පොලිස් ස්ථානවල පරිපාලන කටයුතු, නඩු සඳහා සාක්ෂි සූදානම් කිරීම සහ මහජන සේවා කවුන්ටර පාලනය සිදුකිරීමට නියමිතයි.
එමඟින් ඉදිරිපෙළ පොලිස් නිලධාරීන්ට පරිපාලනමය වැඩවලින් මිදී, සෘජුවම මහා මාර්ගවල අපරාධ මර්දන කටයුතුවල නිරත වීමට අවස්ථාව හිමිවනු ඇති.
පොලිස් කොමසාරිස් මයික් බුෂ් සඳහන් කළේ 2028 වසර මැද භාගය වන විට වික්ටෝරියා පොලිසියේ පවතින 1,500 කට ආසන්න පුරප්පාඩු සංඛ්යාව සම්පූර්ණයෙන්ම පිරවීමට සැලසුම් කර ඇති බවයි.
පසුගිය වසර 5 තුළ ප්රාන්ත ජනගහනය 7% කින් ඉහළ ගියද පොලිස් නිලධාරීන්ගේ සංඛ්යාව 5%කින් පහත වැටීම හේතුවෙන් පොලිස් ස්ථාන කිහිපයක සේවාවන් සීමා කිරීමට ද සිදුව තිබුණා.
