ඉදිරි ප්රාන්ත මැතිවරණයෙන් ජයග්රහණය කළහොත්, Latrobe Valleyහි පිහිටි ගල්අඟුරු බලශක්ති බලාගාර නියමිත කාලයට පෙර හදිසියේ වසා දැමීමට කටයුතු නොකරන බවට වික්ටෝරියානු Coalition පක්ෂය පොරොන්දු වී තිබෙනවා.
ප්රාන්තයේ විදුලි සැපයුම අඛණ්ඩව පවත්වාගෙන යාම සඳහා දැනට පවතින ගල්අඟුරු බලාගාර ඒවායේ උපරිම ආයු කාලය තෙක් ක්රියාත්මක කිරීමට ඉඩ දිය යුතු බවයි Coalition පක්ෂයේ නියෝජිතයින් පෙන්වා දෙන්නේ.
2028 වසරේදී Yallourn බලාගාරය වසා දැමීමට නියමිත අතර, වික්ටෝරියානු විගණකාධිපතිවරයා පවා පෙන්වා දී ඇත්තේ ඉදිරියේදී ප්රාන්තය තුළ දැඩි විදුලි හිඟයක් ඇතිවීමේ අවදානමක් පවතින බවයි.
නව ගල්අඟුරු බලාගාර ඉදි නොකළද, Loy Yang A සහ B වැනි දැනට පවතින බලාගාර හරහා කර්මාන්තශාලා සහ නිවාස සඳහා අවශ්ය මූලික විදුලි ධාරිතාව තහවුරු කළ යුතු බව Coalition පක්ෂය වැඩිදුරටත් සඳහන් කරනවා.
කෙසේ වෙතත්, ලේබර් රජය සහ පරිසර සංවිධාන පවසන්නේ ගල්අඟුරු බලශක්තිය වෙනුවට සූර්ය සහ සුළං වැනි නැවත අලුත් කළ හැකි බලශක්ති ප්රභවයන් යොදාගැනීම වඩාත් පිරිවැය-ඵලදායී ක්රමය වන බවයි.
මේ අතර Yallourn බලාගාරය හිමි EnergyAustralia සමාගම ප්රකාශ කර ඇත්තේ සැලසුම් කළ පරිදි 2028 ජූනි මාසයේදී එම බලාගාරය වසා දමන අතර ඒ වෙනුවට දැවැන්ත බැටරි ගබඩා සංකීර්ණ සහ ගෑස් බලශක්ති ව්යාපෘති ස්ථාපිත කිරීමට කටයුතු කරමින් සිටින බවයි.
