වික්ටෝරියා ප්රාන්තයේ Princes Freeway හි Bunyip ප්රදේශයේ විශාල pothole හේතුවෙන් වාහන 30කට පමණ ටයර් හානි සිදුවීමත් සමඟ රියදුරන් දැඩි අපහසුතාවකට පත්ව තිබෙනවා.
Melbourne දෙසට ධාවනය වූ වාහනවලින් විශාල පිරිසක් මෙම potholeවලට හසුවීමෙන් ටයර් පිපිරී යාම හේතුවෙන් මාර්ගය අසල නවතා සිටීමට සිදුවී වාර්තා වන්නේ.
උදෑසන අධික වර්ෂාවත් සමඟ pothole ජලයෙන් වැසී තිබීම නිසා රියදුරන්ට ඒවා පැහැදිලිව දැකගැනීමට නොහැකි වීමෙන් අනතුර තවත් බරපතළ වී ඇති බව සඳහන්.
සිද්ධිය හේතුවෙන් එම ප්රදේශයේ Melbourne දෙසට ගමන් කරන රථවාහනවලට ප්රමාදයන් ඇති වූ අතර, මාර්ග නඩත්තු කණ්ඩායම් pothole අලුත්වැඩියා කිරීමේ කටයුතු ආරම්භ කර තිබෙනවා.
වාහන ඇදගෙන යන සේවා සපයන්නන් පවසන්නේ අවම වශයෙන් වාහන 30කට ටයර් පිපිරීම් හෝ වෙනත් හානි සිදුව ඇති බවයි.
මෙම සිද්ධියට පෙර දිනද වික්ටෝරියා ප්රාන්තයේ Calder Freeway හි Gisborne සහ Sunbury අතර pothole හේතුවෙන් වාහන කිහිපයකට හානි සිදුවී තිබූ අතර, එම ප්රදේශයේ මාර්ග අලුත්වැඩියා කටයුතුද සිදුකරමින් පවතිනවා.
වික්ටෝරියා ප්රාන්තයේ මාර්ගවල තත්ත්වය පිළිබඳව මේ වන විටත් දැඩි විවේචන එල්ල වෙමින් පවතින අතර, මාර්ග ආරක්ෂාව සහ pothole අලුත්වැඩියාව සම්බන්ධයෙන් රජයට වැඩි අවධානයක් යොමු කරන ලෙස ඉල්ලීම් ඉදිරිපත් වී තිබෙනවා.
