අධික උණුසුම් කාලගුණය සහ El Niño බලපෑම හේතුවෙන් මෙවර ඔස්ට්රේලියාවේ Ski Season එක අසාර්ථක වනු ඇති බවට මත පළ වුවද, මේ වන විට තත්ත්වය සම්පූර්ණයෙන්ම වෙනස් වී තිබෙනවා.
නිව් සවුත් වේල්ස් හි Perisher Valley මේ වන විට සම්පූර්ණයෙන්ම හිමෙන් වැසී ගොස් ඇති බවයි වාර්තා වන්නේ.
ජූනි මාසයේදී පැවැති අඩු හිමපතනය නිසා සමාජ මාධ්ය ඔස්සේ දැඩි කතාබහක් නිර්මාණය වූවත්, අගෝස්තු මාසය වන විට තත්ත්වය යහපත් අතට හැරී තිබෙනවා.
ප්රදේශයේ සංචාරක ක්ෂේත්රයේ ප්රවීණයන් පවසන්නේ මෙවර Ski Season එක මාසයකින් පමණ පසුපසට ගොස් ඇති බැවින්, අගෝස්තු මාසය තුළ වාර්තාගත හිමපතනයක් සිදුවනු ඇති බවයි.
ඉදිරි දිනවලදී 15cm සිට 30cm දක්වා තද හිමපතනයක් අපේක්ෂා කෙරෙනවා.
කෘතිම Snow guns මෙන්ම ස්වාභාවික හිමපතනය ද හේතුවෙන් මේ වන විට 78cmක පමණ හිම තට්ටුවක් Perisher හිම කඳුකරයේ තැන්පත් වී තිබෙනවා.
Lift 40කට අධික සංඛ්යාවකින් බොහොමයක් මේ වන විට ක්රියාත්මක අතර, කුඩා දරුවන්ට සහ පවුල්වල සාමාජිකයන්ට හිම මත ලිස්සා යාමේ ක්රීඩා (Skiing & Tobogganing) සඳහා ඉතා හොඳ පරිසරයක් නිර්මාණය වී ඇති බව ද වාර්තා වනවා.
