ඔස්ට්රේලියාවේ නිවාස වෙළඳපොළේ වෙනස්කම් හේතුවෙන් නිවාස හිමියන් දහස් ගණනක් Negative Equity තත්ත්වයකට මුහුණ දීමේ අවදානමක් පවතින බව නව වාර්තාවක් පෙන්වා දෙනවා.
Negative Equity යනු නිවසේ වටිනාකමට වඩා එයට ඇති ණය මුදල වැඩි වීමේ තත්ත්වය වන අතර, මෙය විශේෂයෙන් මෑතකදී ඉහළ මිල ගණන් යටතේ නිවාස මිලදී ගත් පවුල්වලට බලපෑ හැකි බව සඳහන්.
වාර්තා අනුව නිවාස මිල පහළ යාම සහ ඉහළ පොලී අනුපාත හේතුවෙන් ඔස්ට්රේලියානුවන් 34,000කට පමණ මෙම අවදානමට මුහුණදීමට සිදුවිය හැකි බවටයි අනතුරු අඟවා ඇත්තේ.
විශේෂයෙන්ම නිවාස මිල වේගයෙන් ඉහළ ගිය ප්රදේශවල විශාල ණය ලබාගෙන නිවාස මිලදී ගත් පිරිස් මේ තත්ත්වයට වැඩි අවදානමක සිටින බව ආර්ථික විශ්ලේෂකයන් පෙන්වා දෙනවා.
Negative Equity තත්ත්වයකට පත්වූ නිවාස හිමියන්ට තම නිවස විකිණීමේදී ණය මුදල සම්පූර්ණයෙන් පියවා ගැනීමේ අපහසුතා ඇතිවිය හැකි බව සඳහන්.
කෙසේ වෙතත්, රැකියා තත්ත්වය සහ නිවාස වෙළඳපොළේ ඉදිරි වෙනස්කම් මත මෙම අවදානම වෙනස් විය හැකි බව විශේෂඥයන් පවසනවා.
ඔස්ට්රේලියානු නිවාස වෙළඳපොළේ ස්ථාවරත්වය, පොලී අනුපාත සහ ජීවන වියදම් ගැටලු හේතුවෙන් ඉදිරියේදී නිවාස හිමියන්ගේ මූල්ය තත්ත්වය පිළිබඳ අවධානය වැඩි වී තිබෙනවා.
