ඔස්ට්රේලියාවේ අධ්යාපනය ලබන ජාත්යන්තර සිසුන්ගේ සංඛ්යාව 2026 වසරේ මුල් මාස පහ තුළ සියයට 6.9කින් පහළ ගොස් ඇති බව නවතම නිල දත්ත අනාවරණය කරනවා.
Australian Department of Education දත්ත අනුව, 2026 ජනවාරි සිට මැයි දක්වා ඔස්ට්රේලියාවේ අධ්යාපනය ලැබූ ජාත්යන්තර සිසුන් සංඛ්යාව 680,582ක්.
එය 2025 වසරේ එම කාලයට සාපේක්ෂව සියයට 6.9ක අඩුවීමක්.
මේ අතර, 2026 වසරේ අලුතින් අධ්යාපනය ආරම්භ කළ ජාත්යන්තර සිසුන් සංඛ්යාව 91,468ක් දක්වා සියයට 6කින් පහළ ගොස් තිබෙනවා.
එක් සිසුවෙකුට පාඨමාලා එකකට වැඩි සංඛ්යාවක් හැදෑරිය හැකි බැවින්, එම කාලය තුළ වාර්තා වූ සමස්ත ජාත්යන්තර ශිෂ්ය බඳවා ගැනීම් සංඛ්යාව 752,784ක්.
එය පසුගිය වසරේ එම කාලයට වඩා සියයට 8ක පහළ යාමක් වන අතර, අලුතින් ආරම්භ කළ පාඨමාලා සංඛ්යාවද 216,884ක් දක්වා සියයට 8කින් අඩුවී තිබෙනවා.
මෙම අඩුවීමේ වැඩිම බලපෑම English Language Intensive Courses for Overseas Students හෙවත් ELICOS අංශයට එල්ල වී ඇති අතර, එහි බඳවා ගැනීම් සියයට 27කින් පහළ ගොස් තිබෙනවා.
කෙසේවෙතත්, විශ්වවිද්යාල ඇතුළත් උසස් අධ්යාපන අංශයේ බඳවා ගැනීම් සියයට 2කින් ඉහළ ගොස් ඇති බවද නිල දත්ත පෙන්වා දෙනවා.
ඒ අනුව සමස්ත ජාත්යන්තර සිසුන් සංඛ්යාව පහළ ගියද, විශ්වවිද්යාල අධ්යාපනය සඳහා ඇති ඉල්ලුම තවමත් ස්ථාවරව පවතින බවයි පෙනී යන්නේ.
මෙම තත්ත්වය English පාඨමාලා, vocational education සහ අනෙකුත් අධ්යාපන සේවා සපයන ආයතනවලට වැඩි බලපෑමක් ඇති කළ හැකි අතර, ජාත්යන්තර සිසුන් මත රඳා පවතින නවාතැන්, hospitality, retail සහ ප්රවාහන ව්යාපාරවලටද බලපෑම් ඇති විය හැකියි.
ශ්රී ලංකාවෙන් ඔස්ට්රේලියාවට අධ්යාපනය සඳහා පැමිණීමට බලාපොරොත්තු වන සිසුන්ටද පාඨමාලාව, අධ්යාපන ආයතනය සහ වීසා අවශ්යතා නිසි ලෙස පරීක්ෂා කර අයදුම් කිරීම තවදුරටත් වැදගත් වෙනවා.
