දකුණු ඔස්ට්රේලියාවේ විදුලි සැපයුම අත්යවශ්ය අවස්ථාවලදී ස්ථාවරව පවත්වාගෙන යාම සඳහා හඳුන්වා දුන් නව බලශක්ති විශ්වාසනීයතා වැඩසටහන හේතුවෙන් ගෘහස්ථ විදුලි බිල්පත් ඉහළ යන බව වාර්තා වනවා.
මෙම වැඩසටහන 2026 ජූලි 1 වැනිදා සිටයි ක්රියාත්මක වී ඇත්තේ.
2026–27 මූල්ය වර්ෂයේදී පාරිභෝගිකයන්ගෙන් ඩොලර් මිලියන 44කට ආසන්න මුදලක් මේ සඳහා එකතු කිරීමට නියමිතයි.
ඒ අනුව සාමාන්ය නිවසකට වසරකට ඩොලර් 23ක් පමණ අමතර වියදමක් දැරීමට සිදුවිය හැකියි.
රජය පවසන්නේ මෙම මුදල් නව බැටරි ව්යාපෘති හයකට සහ ටොරන්ස් දූපතේ ගෑස් විදුලි බලාගාරය තවදුරටත් ක්රියාත්මක කිරීමට යොදාගන්නා බවයි.
බලශක්ති අමාත්ය ටොම් කුට්සැන්ටෝනිස් පවසන්නේ මෙම වැඩසටහන නොතිබුණේ නම් ඉදිරියේදී විදුලි මිල තවත් ඉහළ යාමට සහ සැපයුම් හිඟ ඇතිවීමට ඉඩ තිබූ බවයි.
කෙසේ වෙතත්, අඩු ආදායම්ලාභීන්ට සහ කුලී නිවාසවල ජීවත්වන ජනතාවට මෙම අමතර ගාස්තුව වැඩි බරක් විය හැකි බව සමාජ සේවා සංවිධාන අනතුරු අඟවනවා.
