ජර්මානු මෝටර් රථ නිෂ්පාදන සමාගමක් වන Volkswagen සිය මෝටර් රථ පෙළ සරල කිරීමේ වැඩසටහනක් යටතේ දැනට අලෙවි කරන මාදිලිවලින් අඩකට ආසන්න ප්රමාණයක් ඉවත් කිරීමට සැලසුම් කර ඇති බව වාර්තා වනවා.
සමාගම පවසන්නේ, අඩු ඉල්ලුමක් පවතින මාදිලි ඉවත් කර වැඩි ඉල්ලුමක් ඇති සහ ලාභදායී මාදිලි කෙරෙහි වැඩි අවධානයක් යොමු කිරීම මෙම තීරණයේ අරමුණ බවයි.
එමෙන්ම විදුලි මෝටර් රථ සහ නව තාක්ෂණික වාහන සංවර්ධනය සඳහා වැඩි ආයෝජනයක් කිරීමටද Volkswagen සැලසුම් කර තිබෙනවා.
මෙම වෙනස්කම් හේතුවෙන් ඉදිරි වසරවලදී සමාගමේ මෝටර් රථ පෙළ සැලකිය යුතු ලෙස සීමා විය හැකි බවයි විදෙස් මාධ්ය වාර්තා කරන්නේ.
එමෙන්ම ඔස්ට්රේලියාව ඇතුළු ජාත්යන්තර වෙළඳපොළවල අලෙවි වන Volkswagen මාදිලිවලටද මෙම තීරණයේ බලපෑමක් එල්ල විය හැකි බව මෝටර් රථ විශ්ලේෂකයන් පෙන්වා දෙනවා.
කෙසේ වෙතත්, ඔස්ට්රේලියානු වෙළඳපොළෙන් ඉවත් කරන නිශ්චිත මාදිලි පිළිබඳව සමාගම මෙතෙක් නිල නිවේදනයක් නිකුත් කර නැහැ.
