ඔස්ට්රේලියාවේ පෙට්රල් මිල පෙබරවාරි මාසයෙන් පසු වාර්තා වූ අඩුම මට්ටමට පහළ ගොස් තිබෙනවා.
ඉන්ධන ලීටරයක සාමාන්ය මිල මේ වනවිට ඩොලර් 1.69කට ආසන්න වී ඇති බවයි වාර්තා වන්නේ.
මැදපෙරදිග ගැටුම් අවසන් කිරීමේ බලාපොරොත්තුවත් සමඟ ලෝක තෙල් මිලද සියයට 10කින් පමණ පහළ ගොස් තිබෙනවා.
ඒ හේතුවෙන් ඉදිරි සති කිහිපයේදී පෙට්රල් මිල තවත් අඩුවිය හැකි බවයි විශ්ලේෂකයින් පවසන්නේ.
කෙසේ වෙතත්, රජයේ තාවකාලික ඉන්ධන බදු සහනය ඉක්මනින් අවසන් වීමට නියමිතයි.
ඒ අනුව පෙට්රල් ලීටරයකට තවත් සෙන්ට් 26.3ක බද්දක් යළි එකතු විය හැකියි.
ඒ නිසා මේ වන විට යම් සහනයක් දැනුණත්, රියදුරන් තවදුරටත් වියදම් සම්බන්ධයෙන් සැලකිලිමත් විය යුතු බව විශ්ලේෂකයින් අවධාරණය කරනවා.
