ඔස්ට්රේලියාවේ R-rated games, websites සහ වැඩිහිටි අන්තර්ගතයන් සඳහා වයස් තහවුරු කිරීම අනිවාර්ය කරන නව මාර්ගගත ආරක්ෂණ කේත මේ වනවිට ක්රියාත්මක වී තිබෙනවා.
මෙම නීති අනුව social media platforms, app stores, gaming providers, generative AI systems,chatbot සහ කාමුක දර්ශන වෙබ් අඩවි පරිශීලකයන්ගේ වයස තහවුරු කළ යුතුයි.
මෙම පියවරේ අරමුණ වන්නේ ළමයින් හා තරුණයින් ප්රචණ්ඩ, කාමුක හෝ ස්වයං-හානිකර අන්තර්ගතයන්ට නිරාවරණය වීම වැළැක්වීම වන අතර නීති උල්ලංඝනය කරන සමාගම් සඳහා ඩොලර් මිලියන 49.5 දක්වා දඩ මුදල් නියම කළ හැකි බව සදහන්.
කෙසේ වෙතත්, විශේෂඥයන් කිහිප දෙනෙක් මෙම නව නීති පෞද්ගලිකත්වයට අවදානමක් විය හැකි බවට අනතුරු අඟවනවා.
එමෙන්ම වයස් සත්යාපනය සඳහා පුද්ගලික දත්ත රැස් කිරීම අන්තර්ජාලයේ නිර්නාමික භාවය අඩු කරනු ඇති බවත්, දත්ත ආරක්ෂාව සම්බන්ධයෙන් ගැටළු මතුවිය හැකි බවත් ඔවුන් පෙන්වා දෙනවා.
කෙසේවෙතත් ළමයින් ආරක්ෂා කිරීමත් ජනතාවගේ පෞද්ගලිකත්වය ආරක්ෂා කිරීමත් අතර සමබරතාවයක් පවත්වා ගැනීම වැදගත් බවයි විශේෂඥයන් වැඩිදුරටත් අවධාරණය කළේ.
