T20 ලෝක කුසලාන තරඟාවලිය ජයගත් ඉන්දීය ක්රිකට් කණ්ඩායමේ ප්රධාන පුහුණුකරු Gautam Gambhir මෙම ජයග්රහණය හිටපු පුහුණුකරු Rahul Dravid සහ ක්රිකට් සංවර්ධන ප්රධානියා VVS Laxman වෙත කැප කරන බව ප්රකාශ කළා.
Ahmedabad නගරයේ පැවති අවසන් තරඟයේදී ඉන්දියාව නවසීලන්ත කණ්ඩායම පරාජය කරමින් T20 ලෝක කුසලානය දිනාගත්තා.
තරඟයෙන් පසු අදහස් දක්වමින් Gambhir පැවසුවේ තම කාලයේ ඉන්දියානු ක්රිකට් ශක්තිමත් ලෙස පවත්වාගෙන ගිය Rahul Dravid වෙත විශේෂ ස්තුතිය පළ කරන බවයි.
එමෙන්ම ක්රිකට් සංවර්ධනය සඳහා නිහතමානීව වැඩ කළ VVS Laxman වෙතද ඔහු ස්තුතිය පුද කළා.
තවද ප්රධාන තේරීම්කරු Ajit Agarkar සහ හිටපු BCCI ලේකම් Jay Shah ද මෙම ජයග්රහණයට දායක වූ බව Gambhir කියාසිටියා.
Gambhir අනුව කණ්ඩායමේ සාර්ථකත්වයට ප්රධාන හේතුව වූයේ “අධික අවදානම – වැඩි ප්රතිලාභ” (High risk, high reward) යන ක්රීඩා රටාවයි.
කණ්ඩායම 250ට අධික ලකුණු ලබා ගැනීමේ ඉලක්කය තබා ක්රීඩා කළ බවත්, පුද්ගලික වාර්තා වලට වඩා කණ්ඩායමේ ජයග්රහණය ප්රමුඛ කරගත් බවත් ඔහු අවධාරණය කළා.
අර්ධ අවසන් සහ අවසන් තරඟ දෙකේම ඉන්දියාව 253 සහ 255 වැනි විශාල ලකුණු එකතුවක් ලබා ගනිමින් මෙම ජයග්රහණය සනිටුහන් කළ බවයි කණ්ඩායමේ පුහුණුකරු ගෞතම් ගාම්භීර් වැඩිදුරටත් කියාසිටියේ.
