Melton South ප්රදේශයේ සිය බිරිඳ ඝාතනය කළ බවට වරදකරු වූ 44 හැවිරිදි Rimoni Muliaga සම්බන්ධයෙන් දඩුවම් නියම කිරීමට පෙර විභාගය වික්ටෝරියා ශ්රේෂ්ඨාධිකරණයේ අද පැවැත්වුණා.
2023 සැප්තැම්බර් මාසයේදී, ඔහු තම බිරිඳ Lise Muliaga කඩුවකින් ඇන මරා දැමූ බව අධිකරණය හමුවේ තහවුරු වුණා.
මෙම සිද්ධිය සිදුවන අවස්ථාවේ ඔවුන් පවුල සමඟ නවසීලන්තයෙන් ඔස්ට්රේලියාවට පැමිණ මාස කිහිපයක් පමණක් ගතව තිබුණා.
Muliaga, බිරිඳ මරණයට පත් කළේ තම සහෝදරයා සමඟ ඇය සම්බන්ධතාවයක් පැවැත්වූ බවට සැක කරමින් බව අධිකරණයට දැනුම් දී තිබුණා.
නමුත් ඔහු මිනීමැරුම් චෝදනාව ප්රතික්ෂේප කරමින්, තම බුද්ධි අක්රියතාව සහ මානසික අවපීඩනය නිසා තීරණ ගැනීමේ හැකියාවට බලපෑම් ඇතිවූ බව පවසමින් නඩුව විභාගයට ගෙන ගියා.
කෙසේ වෙතත්, ජූරිය විසින් එම කරුණු ප්රතික්ෂේප කර ඔහු මිනීමැරුම් වරදට වරදකරු කළා.
දඩුවම් නියම කිරීමට පෙර, දරුවන් ඇතුළු පවුලේ සාමාජිකයන් 8 දෙනෙකුගේ ප්රකාශ ඔහුගේ මෙම තීන්දුවට දැඩි ලෙස බලපෑම් කර තිබෙනවා. ්
වයස අවුරුදු 7 සිට 16 දක්වා වූ දරුවන් 5 දෙනාම තමන් මුහුණ දුන් වේදනාව හා මානසික වියවුල් සම්බන්ධයෙන් එහිදී ප්රකාශකර ඇති බව සඳහන්.
16 හැවිරිදි පුතා අධිකරණයට දන්වා සිටියේ, සිය පියාට ඔවුන් ගැන කරදරවීමට අවශ්ය නොවන බවත් ඔහුට සමාව දෙන නමුත් ඔහු කළ දේ කිසිදා අමතක නොකරන බවයි.
නීතිඥයන් අතර වූ තර්කවලදී, විත්ති පාර්ශවය සඳහන් කළේ ඔහුගේ මානසික තත්ත්වය හේතුවෙන් වගකීම අඩු කර සැලකිය යුතු දඩුවමක් ලබාදෙන ලෙසයි.
නමුත් පැමිණිලි පාර්ශවය පැවසුවේ ඊර්ෂ්යාව ඔහුගේ රෝග තත්ත්වයට වෙන්ව පවතින කරුණක් බවත්, වගකීම සැලකිය යුතු ලෙස අඩු කළ නොහැකි බවයි.
මෙම නඩුවේ අවසන් තීන්දුව පසුව නියම කිරීමට නියමිතයි.
