ඔස්ට්රේලියාවේ දන්ත ප්රතිකාර ගාස්තු දැඩි ලෙස ඉහළ යාමත් සමඟ, අඩු වියදමින් ප්රතිකාර ලබා ගැනීමට ඔස්ට්රේලියානුවන් දහස් ගණනක් විදේශ රටවල් වෙත ගමන් කරමින් සිටින බව වාර්තා වනවා.
ඇස්තමේන්තුවකට අනුව, පසුගිය වසරේදී ඔස්ට්රේලියානුවන් 11,500කට ආසන්න පිරිසක් දන්ත ප්රතිකාර සඳහා විදේශ ගත වී සිටින බවයි නවතම දත්ත වලින් අනාවරණය වී ඇත්තේ.
ඉන්දුනීසියාව, ෆිලිපීනය, මැලේසියාව, වියට්නාමය, තායිලන්තය සහ ඉන්දියාව වැනි රටවල් මේ සඳහා ජනප්රිය ගමනාන්තයන් ලෙස සැලකෙනවා.
සමහර විදේශීය දන්ත සායනික මධ්යස්ථාන, සමාජ මාධ්ය හරහා සියයට 70ක් දක්වා වට්ටම් ද ප්රචාරය කරමින් සිටින බවද සඳහන්.
දත් whitening කිරීම, දත් බද්ධ කිරීම සහ Dental Crowns වැනි ප්රතිකාර විදේශයන්හිදී ඔස්ට්රේලියාවට වඩා බෙහෙවින් අඩු මිලකට ලබා ගත හැකි වුවද, විශේෂඥයින් අනතුරු අඟවන්නේ එහි සැඟවුණු අවදානම් ඇති බවයි.
Australian Dental Association පවසන්නේ, විදේශයන්හි සිදු කරන සමහර ප්රතිකාර ගුණාත්මක වුවද, ඇතමුන්ට නිසි දැනුවත්කමක් නොමැතිවීම, වැරදි ප්රතිකාර සහ පසුකාලීන පරීක්ෂණ නොමැතිවීම වැනි ගැටලු නිරීක්ෂණය වී ඇති බවයි.
තවද, විදේශයන්හි භාවිතා කරන සමහර දන්ත බද්ධ කිරීමේ කොටස් ඔස්ට්රේලියාවේ භාවිතයට අනුමත නොවීම නිසා, පසුව ගැටලු ඇතිවුවහොත් ඒවා සකස් කිරීම දුෂ්කර විය හැකි බවද සඳහන්.
මේ අතර, දන්ත ප්රතිකාර වියදම් ඉහළ යාම හේතුවෙන්, ඒ සඳහා තම Superannuation මුදල් භාවිතා කරන ඔස්ට්රේලියානුවන් සංඛ්යාවද පසුගිය වසර 7 තුළ දැඩි ලෙස ඉහළ ගොස් ඇති බව වාර්තා වනවා.
කෙසේවෙතත්, විදේශගත වී ප්රතිකාර ලබාගත් ඇතැම් පුද්ගලයින් පවසන්නේ, තමන්ට ලැබුණු ප්රතිකාර සාර්ථක වූ බවයි.
