ඇමෙරිකාව පුරා ගුවන් ගමන් පාලන සන්නිවේදන පද්ධතියේ ඇතිවූ බරපතළ තාක්ෂණික දෝෂයක් හේතුවෙන් ඇමෙරිකාවේ සියලුම ගුවන්තොටුපොළවලින් පිටත්වන ගුවන් ගමන් තාවකාලිකව අත්හිටුවීමට එරට Federal Aviation Administration (FAA) පියවර ගෙන තිබෙනවා.

ඊයේ (නොවැම්බර් 13) නිකුත් කළ මෙම හදිසි නියෝගය අනුව, ගුවන් තොටුපළවල නවතා ඇති සියලු ගුවන් යානා නැවත දැනුම්දෙන තුරු ගුවන්ගත කිරීම තහනම් කර ඇති අතර, ඒ වන විටත් ගුවනේ පැවති යානාවලට ගොඩබැසීමට අවසර ලබාදී තිබෙනවා.

ඇමෙරිකාවේ Homeland Security ලේකම් Markwayne Mullin පවසන්නේ, මෙය හුදෙක් සන්නිවේදන පද්ධතියේ දෝෂයක් බවත්, මගීන්ගේ ආරක්ෂාවට තර්ජනයක් පවතින බවට මෙතෙක් තොරතුරු වාර්තා වී නොමැති බවත්ය.

මෙම බිඳවැටීම සයිබර් ප්‍රහාරයක් හේතුවෙන් සිදුවූයේද යන්න මෙතෙක් තහවුරු වී නොමැති අතර, පෙර දිනයේ සිදුවූ ගෝලීය Microsoft සේවා බිඳවැටීම සමඟ සම්බන්ධයක් ඇතැයි තමන් විශ්වාස නොකරන බවද ඔහු ප්‍රකාශ කර තිබෙනවා.

2001 සැප්තැම්බර් 11 ත්‍රස්ත ප්‍රහාරයෙන් පසු ඇමෙරිකාව පුරා මෙවැනි ගුවන් ගමන් අත්හිටුවීමක් සිදුවූ දෙවැනි අවස්ථාව මෙය වන අතර, ගුවන් සේවා යථා තත්ත්වයට පත්කිරීමට තාක්ෂණික කණ්ඩායම් කටයුතු කරමින් සිටින බවටයි තොරතුරු වාර්තා වන්නේ.