ඔස්ට්‍රේලියාවේ Temporary Graduate Visa (Subclass 485) සම්බන්ධයෙන් නව නීති සංශෝධනයක් ප්‍රකාශයට පත් කර තිබෙනවා.

2026 නොවැම්බර් 12 වැනිදා ඔස්ට්‍රේලියානු Federal Register of Legislation හි ලියාපදිංචි කළ මෙම සංශෝධනය නොවැම්බර් 13 වැනිදා සිට බලාත්මක වීමට නියමිත බව සඳහන් වනවා.

මෙම නව සංශෝධනයේ ප්‍රධාන අරමුණ වන්නේ 485 වීසා සඳහා අයදුම් කරන Primary Applicant සහ ඔවුන්ගේ Family Members වෙන වෙනම වීසා අයදුම් කිරීමේ ක්‍රමවේදය වෙනස් කිරීමයි.

නව නීතිය යටතේ ප්‍රධාන වීසා අයදුම්කරු සමඟම පවුලේ සාමාජිකයන් ද එකවර වීසා සඳහා අයදුම් කළ යුතු වනවා.

ඒ අනුව, ප්‍රධාන අයදුම්කරුට වීසා අනුමත වූ පසුව සහකරු හෝ සහකාරිය ඇතුළු පවුලේ සාමාජිකයන්ට Subsequent Entrant ක්‍රමවේදය යටතේ වෙනම 485 වීසා අයදුම් කිරීමේ අවස්ථාව සාමාන්‍යයෙන් අහෝසි කර තිබෙනවා.

කෙසේ වෙතත්, මෙම නීතියට විශේෂ Exemptions කිහිපයක් ද ඇතුළත් කර තිබෙනවා.

ඒ අනුව, Pacific Countries සහ ASEAN Member Countries වල පුරවැසියන්, ආචාර්ය උපාධි හෙවත් PhD සම්පූර්ණ කළ උපාධිධාරීන් සහ විදේශීය රජයන් විසින් සම්පූර්ණයෙන්ම අරමුදල් සපයන ලද අධ්‍යාපන පාඨමාලා හදාරා ඇති පුද්ගලයන්ගේ පවුලේ සාමාජිකයන්ට විශේෂ සුදුසුකම් යටතේ මෙම සීමාවෙන් නිදහස් වීමේ අවස්ථාව හිමිවිය හැකියි.

එමෙන්ම, ප්‍රධාන අයදුම්කරුගේ අවසන් Student Visa හෝ Subclass 485 Visa ලබාගැනීමෙන් පසුව උපත ලැබූ දරුවන් ද නව වීසා අයදුම්පතට ඇතුළත් කළ හැකියි.

දැනටමත් අදාළ ප්‍රධාන අයදුම්කරුගේ Student Visa හෝ 485 Visa යටතේ පවුලේ සාමාජිකයන් ලෙස වීසා ලබා සිටින ඇතැම් පුද්ගලයන්ට ද නව නීතිය යටතේ අයදුම් කිරීමේ අවස්ථාව පවතින බව සඳහන් වනවා.

තවද, 485 වීසා සඳහා ප්‍රධාන අයදුම්කරු අයදුම් කරන අවස්ථාවේදී ඔස්ට්‍රේලියාව තුළ සිටීම අනිවාර්ය වනවා.

කෙසේ වෙතත්, පවුලේ සාමාජිකයන්ට ඔස්ට්‍රේලියාව තුළ සිට හෝ විදේශයක සිට Visa Application ඉදිරිපත් කළ හැකියි.

ඔස්ට්‍රේලියාව තුළ සිට අයදුම් කරන පවුලේ සාමාජිකයන් සඳහා වලංගු වීසා තත්ත්වයක් හෝ අදාළ Bridging Visa කොන්දේසි සපුරාලීම ද අවශ්‍ය වනවා.

වයස අවුරුදු 18ට අඩු ප්‍රධාන අයදුම්කරුවන් සම්බන්ධයෙන් ද නව කොන්දේසි හඳුන්වා දී තිබෙනවා. ඒ අනුව, අදාළ දරුවාගේ Custody Arrangements සහ Best Interests of the Child යන කරුණු පිළිබඳව ද සලකා බැලීම අනිවාර්ය කර තිබෙනවා.

මෙම සංශෝධන 2026 නොවැම්බර් 13 වැනිදා සිට බලාත්මක වන අතර, එදින සිට ඉදිරිපත් කරන නව 485 වීසා අයදුම්පත්වලට මෙම නීති අදාළ වනවා.

ඒ අනුව, ඔස්ට්‍රේලියාවේ අධ්‍යාපනය අවසන් කර Temporary Graduate Visa (Subclass 485) බලාපොරොත්තු වන ජාත්‍යන්තර සිසුන් මෙන්ම ඔවුන්ගේ සහකරුවන් සහ අනෙකුත් පවුලේ සාමාජිකයන් ද මෙම නව වීසා කොන්දේසි පිළිබඳව විශේෂ අවධානයක් යොමු කිරීම වැදගත් වනවා.