වික්ටෝරියා ප්‍රාන්ත මැතිවරණය නොවැම්බර් 28 වැනිදා පැවැත්වීමට නියමිත අතර, ඡන්ද දායකයන්ට නොවැම්බර් 18 වැනිදා සිට කලින් ඡන්දය ප්‍රකාශ කිරීමට අවස්ථාව ලබාදී තිබෙනවා.

Victorian Electoral Commission (VEC) ආයතනය පවසන්නේ, නොවැම්බර් 18 සිට 27 දක්වා ප්‍රාන්තය පුරා මධ්‍යස්ථාන 200කට වැඩි සංඛ්‍යාවකදී කලින් ඡන්දය ප්‍රකාශ කිරීමේ හැකියාව පවතින බවයි.

මෙවර මැතිවරණයේදී, මැතිවරණ දිනයට පෙර ඡන්දය ප්‍රකාශ කිරීමට කැමති ඕනෑම සුදුසුකම් ලත් ඡන්ද දායකයෙකුට ඒ සඳහා අවස්ථාව හිමිවන අතර, නොවැම්බර් 22 වැනි ඉරිදා හැර අනෙකුත් දිනවල ඡන්ද මධ්‍යස්ථාන උදෑසන 9 සිට සවස 6 දක්වා විවෘතව පවතිනවා.

මේ අතර, මැතිවරණ දිනයේදී ඡන්ද මධ්‍යස්ථානයකට පැමිණීමට නොහැකි පුද්ගලයන්ට තැපැල් ඡන්දය සඳහා නොවැම්බර් 25 වැනිදා සවස 6ට පෙර අයදුම් කළ හැකි බව ද සඳහන්.

ඔස්ට්‍රේලියාවේ වෙනත් ප්‍රාන්තවල හෝ විදේශයන්හි සිටින සුදුසුකම් සහිත වික්ටෝරියානු ඡන්ද දායකයන්ට ද, ඡන්දය ප්‍රකාශ කිරීමට පහසුකම් සලසා ඇති නමුත්, Online ඔස්සේ ඡන්දය ප්‍රකාශ කිරීමේ පහසුකමක් නොමැති බවයි VEC ආයතනය පවසන්නේ.

එමෙන්ම Victoria ප්‍රාන්තයේ සුදුසුකම් ලත් ඡන්ද දායකයන්ට ඡන්දය ප්‍රකාශ කිරීම අනිවාර්ය වන අතර, සාධාරණ හේතුවක් නොමැතිව ඡන්දය ප්‍රකාශ නොකරන පුද්ගලයන්ට ඩොලර් 105ක දඩයක් පැනවිය හැකි බව ද දැනුම්දී තිබෙනවා.

ඡන්දය ප්‍රකාශ කළ හැකි මධ්‍යස්ථාන, ඒවායේ විවෘත වේලාවන් සහ තැපැල් ඡන්ද අයදුම්පත් පිළිබඳ වැඩිදුර තොරතුරු VEC නිල වෙබ් අඩවියෙන් ලබා ගැනීමට හැකියි.

ඡන්දය ප්‍රකාශ කළ හැකි මධ්‍යස්ථාන පිළිබද තොරතුරු දැනගැනීමට;
https://vec.vic.gov.au/voting/2026-state-election/voting-locations

තැපැල් ඡන්දය සඳහා අයදුම් කිරීමට ;
https://vec.vic.gov.au/postal-voting

තැපැල් ඡන්ද අයදුම්පත් භාරගැනීමේ අවසන් දිනය: නොවැම්බර් 25, සවස 6.00

වැඩිදුර තොරතුරු සඳහා:
Victorian Electoral Commission (VEC) – 131 832