ශ්‍රී ලාංකිකයන් ඇතුළු විදේශීය ශ්‍රමිකයන් සඳහා නව රැකියා කාණ්ඩ අටක් යටතේ Work Permit ලබාගැනීමට අවස්ථාව සලසමින් සිංගප්පූරු රජය සිය විදේශීය ශ්‍රමික බඳවාගැනීමේ ක්‍රමවේදය පුළුල් කර තිබෙනවා.

සිංගප්පූරුවේ Ministry of Manpower සඳහන් කරන්නේ, පවතින ශ්‍රමික හිඟයට විසඳුමක් ලෙස මෙම පියවර ගෙන ඇති බවයි.

2026 සැප්තැම්බර් පළමුවැනිදා සිට ක්‍රියාත්මක වන මෙම වැඩපිළිවෙළ යටතේ ආහාර සේවා, ළමා රැකවරණ සහ ගුවන් සේවා යන ක්ෂේත්‍රවල නව රැකියා අවස්ථා විවෘත කර තිබෙනවා.

ඒ අනුව butchers, fishmongers and related food preparers, food and drink stall assistants, kitchen assistants, waiters, cabin attendants, babysitters and infant caregivers, educarers, and teacher aides සඳහා රැකියා අවස්ථා හිමිවනවා.

මෙම වැඩපිළිවෙළ යටතේ ශ්‍රී ලංකාව, ඉන්දියාව, බංග්ලාදේශය, භූතානය, කාම්බෝජය, ලාඕසය, මියන්මාරය, පිලිපීනය සහ තායිලන්තය යන රටවල් නවයක පුරවැසියන් බඳවාගැනීමට සිංගප්පූරු සේවායෝජකයන්ට අවසර හිමිවනවා.

මෙම රැකියා සඳහා බඳවාගන්නා සේවකයෙකුට අවම වශයෙන් මාසිකව සිංගප්පූරු ඩොලර් 2,000ක ස්ථාවර වැටුපක් ලබාදීම අනිවාර්ය කර තිබෙනවා.

එමෙන්ම මෙම විශේෂ රැකියා ලැයිස්තුව යටතේ බඳවාගන්නා විදේශීය සේවකයන්ගේ සංඛ්‍යාව අදාළ ව්‍යාපාරයට නියමිත සියයට 8ක සීමාව තුළ පවත්වාගෙන යා යුතුයි.

කෙසේ වෙතත් මෙම වැඩපිළිවෙළ මගින් ශ්‍රී ලාංකිකයන්ට ස්වයංක්‍රීයව රැකියා හෝ Work Permit හිමි නොවන අතර, සිංගප්පූරුවේ සේවායෝජකයන් විසින් නියමිත සුදුසුකම් සපුරා අදාළ අවසර ලබාගත යුතු වනවා.