2026 ඔස්ට්‍රේලියානු MotoGP තරඟාවලියේ අවසන් වටය අවලංගු කර තිබෙනවා.

වික්ටෝරියා ප්‍රාන්තයේ Philip Island ධාවන පථයේ පැවැත්වීමට නියමිතව තිබූ මෙම තරගාවලියට අධික වර්ෂාව සහ අඩු දෘශ්‍යතාව හේතුවෙන් බාධා එල්ල වී ඇති බවයි වාර්තා වන්නේ.

තරගය ආරම්භ කිරීම සඳහා වේලාව වෙනස් කරමින් සංවිධායකයන් උත්සාහ කළත්, පවතින කාලගුණික තත්ත්වයන් යටතේ තරගය ආරක්ෂිතව පැවැත්වීමේ හැකියාව සම්බන්ධයෙන් ගැටලු මතුව ඇතැයි වාර්තා වුණා.

විශේෂයෙන්ම, හදිසි අනතුරකදී රෝහල් වෙත රෝගීන් ප්‍රවාහනය කිරීම සඳහා අත්‍යවශ්‍ය වන වෛද්‍ය හෙලිකොප්ටරය ක්‍රියාත්මක කිරීමේදී අඩු දෘශ්‍යතාව බාධාවක් විය හැකි බවයි සංවිධායකයින් නිගමනය කර තිබුනේ.

ඒ හේතුවෙන් ධාවකයන්ගේ ආරක්ෂාව ප්‍රමුඛ කරගනිමින් ප්‍රධාන MotoGP තරගය අවලංගු කිරීමට තීරණය කර ඇති බවයි වාර්තා වන්නේ.

එමෙන්ම Moto2 සහ Moto3 තරග ද අවලංගු කර තිබෙනවා.

මෙවර තරගාවලිය Philip Island ධාවන පථයේ MotoGP ඉතිහාසයට සුවිශේෂී අවස්ථාවක් වීමට නියමිතව තිබුණා.

වසර ගණනාවක් පුරා ලොව පුරා ධාවන ලෝලීන්ගේ ආකර්ෂණය දිනාගත් මෙම ධාවන පථයට සමුදීමේ අවස්ථාවක් ලෙසද මෙවර තරගාවලිය සැලකූ බවයි පැවසෙන්නේ.

2027 වසරේදී ඔස්ට්‍රේලියානු MotoGP තරගාවලිය Adelaide නගරයේ වීදි ධාවන පථයක් වෙත ගෙන යාමට සැලසුම් කර තිබෙන බවද වාර්තා වනවා.

ක්‍රීඩකයන්ගේ ආරක්ෂාව වෙනුවෙන් ගත් මෙම තීරණයත් සමඟ, Philip Islandහි දීර්ඝ MotoGP තරඟයට මෙවර තරගාවලියෙන් බලාපොරොත්තු වූ තරගාකාරී සමුගැනීම අහිමි වී තිබෙනවා.