ඔස්ට්‍රේලියාවේ සුපිරි වෙළෙඳසැල් ජාලයක් වන ALDI වෙතින් අලෙවි කරන ජනප්‍රිය කිරි නිෂ්පාදනයක්, නරක් වීමේ අවදානමක් හේතුවෙන් වෙළෙඳපොළෙන් ඉවත් කර තිබෙනවා.

මෙම නැවත කැඳවීමට අදාළ කිරි නිෂ්පාදනය මිලදී ගත් පාරිභෝගිකයන්ට එය පානය නොකරන ලෙසත්, මුදල් ආපසු ලබාගැනීම සඳහා අදාළ වෙළෙඳසැල වෙත භාරදෙන ලෙසත් බලධාරීන් දැනුම් දෙනවා.

මෙම නැවත කැඳවීම බලපාන්නේ Farmdale Full Cream Long Life Milk – 1 Litre නිෂ්පාදනයට පමණක් බවයි වාර්තා වෙන්නේ.

Food Standards Australia New Zealand හෙවත් FSANZ ආයතනය නිකුත් කළ නිවේදනයට අනුව, මෙම කිරි නිෂ්පාදනයේ Microbial Contamination හෙවත් ක්ෂුද්‍රජීවී නරක්වීමක් ඇතිවීමේ අවදානමක් හඳුනාගෙන තිබෙනවා.

අදාළ නිෂ්පාදනයේ පැකට්ටුවේ සඳහන් “Best Before Date – 2027 June 5” ලෙස දැක්වෙන සියලුම නිෂ්පාදන මෙලෙස නැවත ගෙනවිත් භාරදෙන ලෙස දන්වා තිබෙනවා.

මෙම කිරි නිෂ්පාදනය Victoria සහ South Australia ප්‍රාන්තවල ALDI වෙළෙඳසැල් සහ මාර්ගගත ක්‍රම හරහා අලෙවි කර තිබෙනවා.

ඒ අනුව, අදාළ කිරි නිෂ්පාදනය ඔබ මිලදී ගෙන තිබේ නම්, එය පානය නොකරන ලෙසත්, එහි Best Before Date පරීක්ෂා කරන ලෙසත් දැනුම් දෙනවා.

එම නිෂ්පාදනය මිලදී ගත් ස්ථානයට ආපසු භාරදීමෙන් සම්පූර්ණ මුදල් ආපසු ගෙවීමක් ලබාගත හැකියි.

මෙම Milk පානය කිරීමෙන් පසු ඔබේ සෞඛ්‍යය පිළිබඳ යම් සැකයක් හෝ ගැටලුවක් ඇත්නම්, වෛද්‍ය උපදෙස් ලබාගැනීම වැදගත් බවයි FSANZ ආයතනය පවසන්නේ.