ඔස්ට්‍රේලියාවේ One Nation පක්ෂය, ඉදිරි ෆෙඩරල් මැතිවරණය සඳහා සිය ප්‍රතිපත්ති සකස් කරගැනීමට ජනතාවගේ අදහස් සහ යෝජනා ලබාගැනීමේ වැඩසටහනක් ආරම්භ කර තිබෙනවා.

පක්ෂ නායිකා Pauline Hanson විසින් හඳුන්වා දුන් මෙම වැඩසටහනේ නම “What’s Holding You Back?” ලෙස නම් කර ඇති අතර, ඒ සඳහා නව වෙබ් අඩවියක්ද ආරම්භ කර තිබෙනවා.

ඔස්ට්‍රේලියානුවන්ට තමන්ට, තම පවුලට හෝ ව්‍යාපාරයට බලපාන ගැටලු සහ ඒවාට අවශ්‍ය විසඳුම් මෙම වෙබ් අඩවිය හරහා ඉදිරිපත් කළ හැකියි.

ජීවන වියදම් ඉහළ යාම, නිවාස මිලදී ගැනීමේ අපහසුතා සහ ව්‍යාපාරවලට බලපාන නීති රෙගුලාසි ඇතුළු කරුණු මෙහිදී අවධානයට ලක්කර තිබෙනවා.

ජනතාව දෛනිකව මුහුණ දෙන ගැටලු පිළිබඳව දේශපාලනඥයන් ප්‍රමාණවත් අවධානයක් යොමු නොකරන බවට Pauline Hanson චෝදනා කර තිබෙනවා.

මෙම අදහස් සහ යෝජනා මත පදනම්ව ඉදිරි මැතිවරණයට තම පක්ෂයේ ප්‍රතිපත්ති මාලාව සකස් කිරීමට බලාපොරොත්තු වන බවයි ඇය සඳහන් කරන්නේ.

කෙසේ වෙතත්, මෙම වැඩසටහන One Nation පක්ෂයේ ප්‍රතිපත්ති සකස් කිරීම සඳහා සිදුකරන අදහස් විමසීමක් වන අතර, ඉදිරිපත් කරන සියලු යෝජනා ක්‍රියාත්මක කරන බවට පක්ෂය සහතික කර නැහැ.