වික්ටෝරියා ප්රාන්තයේ South-Westහි පිහිටි Portland වෙරළාශ්රිත ප්රදේශයෙන් පක්ෂීන් සිය ගණනක් අභිරහස් ලෙස මියයාමේ පුවතක් වාර්තා වනවා.
මෙම තත්ත්වය මාරාන්තික H5N1 කුරුළු උණ වෛරසය නිසා සිදුවන්නක්දැයි ප්රදේශවාසීන් සහ බලධාරීන් අතර දැඩි බියක් හටගෙන තිබෙනවා.
පසුගිය ඉරිදා සිට Portland වෙරළ තීරයේ 1.5kmක පමණ ප්රදේශයක් පුරා Crested Terns විශේෂයට අයත් පක්ෂීන් සිය ගණනක් මියගොස් සහ මියයමින් සිටින අයුරු දැකගත හැකි වූ බවයි ප්රදේශවාසීන් පවසන්නේ.
පසුගිය ජූලි මාසයේදී වික්ටෝරියා ප්රාන්තයේ පළමු H5N1 කුරුළු උණ සිද්ධිය පෝට්ලන්ඩ් ප්රදේශයෙන් වාර්තා වීම නිසා මෙම පක්ෂි මරණ ද එම වෛරසය හේතුවෙන් සිදුවූයේද යන්න පිළිබඳව පරික්ෂණ ක්රියාත්මකයි.
කෙසේ වෙතත්, මෙම මියගිය පක්ෂීන්ගේ සිරුරු ඉවත් කිරීමට රජයේ බලධාරීන් දක්වන ප්රමාදය පිළිබඳව ප්රදේශවාසීන් දැඩි කනස්සල්ල පළ කරනවා.
මෙම පක්ෂි සිරුරු අසලට වෙනත් පක්ෂීන් පැමිණීම නිසා වෛරසය සතුන් අතර වේගයෙන් පැතිරීමේ දැඩි අවදානමක් ද පවතිනවා.
තත්ත්වය පාලනය කිරීම සඳහා Portlandහි ප්රදේශවාසීන් කිහිපදෙනෙකු වෙරළ තීරයේ තිබූ පක්ෂි සිරුරු පොලිතීන් බෑග්වලට දමා ඉවත් කිරීමට ස්වේච්ඡාවෙන් කටයුතු කර ඇති බවයි වාර්තා වන්නේ.
මෙම තත්ත්වය මිනිසුන්ට සහ වෙනත් වනජීවීන්ට පැතිරීම වැළැක්වීම සඳහා වහාම වික්ටෝරියා ප්රාන්ත රජය සෘජුව මැදිහත් වී පිරිසිදු කිරීමේ කටයුතු විධිමත් කළ යුතු බවට ප්රදේශවාසීන් සහ සංරක්ෂණ කමිටු නියෝජිතයින් බලකර සිටිනවා.
