ප්රධාන පෙළේ ජපන් වාහන නිෂ්පාදන සමාගමක් වන Toyota Australia විසින් ඔස්ට්රේලියාව තුළ ඇති Camry වර්ගයේ මෝටර් රථ 16,000කට වැඩි ප්රමාණයක් නැවත කැඳවීමට පියවර ගෙන තිබෙනවා.
ඒ එම රථවල පවතින බරපතල මෘදුකාංග (Software) දෝෂයක් හේතුවෙන්.
2024 සහ 2026 වසර අතර නිෂ්පාදිත Camry Ascent සහ Ascent Sport මාදිලියේ රථ 16,238කට මෙමගින් බලපෑම් එල්ල වී තිබෙනවා.
වාහනය පණගැන්වීමේදී එහි අඟල් 7ක ප්රමාණයේ ඩිජිටල් පුවරුව (Instrument display) ක්රියා විරහිත වීම නිසා Speedometer සහ හදිසි අනතුරු ඇඟවීමේ සංඥා පෙනීම නතර වන බවයි සොයාගෙන ඇත්තේ.
මීට අමතරව Turn signals, hazard lights සහ ඇතැම් audible safety warnings ද අක්රිය විය හැකියි.
මෙම දෝෂ හේතුවෙන් රිය අනතුරු සිදුවීමේ දැඩි අවදානමක් පවතින අතර, එමගින් ජීවිත හානි පවා සිදුවිය හැකි බවයි ටොයෝටා සමාගම පවසන්නේ.
කෙසේ වෙතත්, අදාළ වාහන හිමියන් තනි තනිව සම්බන්ධ කරගනිමින්, නොමිලේ මෙම Software දෝෂය නිවැරදි කරදීමට සමාගම කටයුතු යොදා තිබෙනවා.
