ඔස්ට්රේලියාවේ වෛද්යවරුන් පවා පුදුමයට පත් කළ “Miracle” නම් බිළිඳියකගේ දිවි ගලවාගැනීමේ විශ්මිත කතාවක් වාර්තා වී තිබෙනවා.
Annrose නම් මව තමන් ගැබිනියක් බව දැනගෙන තිබෙන්නේ බිළිඳිය බිහි කිරීමට දින පහකට පමණක් පෙරයි. ඇය මාර්තු මාසයේදී පරීක්ෂණයකට ගිය අවස්ථාවේදී සති 22කට ආසන්න ගැබ් ගැනීමක් ඇති බව දැනගෙන තිබෙනවා.
ඇය මීට පෙර දෙසැම්බර් මාසයේදී ගබ්සාවකට ලක්වූ බව සිතා සිට ඇති අතර, වෛද්යවරුන් සැක කරන්නේ ඇයට නිවුන් දරුවන් සිටින්නට ඇති අතර එක් බිළිඳෙකු ගබ්සා වී තිබෙන්නට ඇති බවයි.
ඒ අනුව, ගැබ් ගැනීම පිළිබඳ දැනගත් දින කිහිපයකින් පසුව ඇයගේ දියණිය Makerita Miracle Tanavasa සති 21යි දින 3කදී උපත ලබා තිබෙනවා.
උපතේදී Miracleගේ බර ග්රෑම් 351ක් පමණයි. එය සාමාන්ය බිළිඳෙකුගේ බරට සාපේක්ෂව අතිශය අඩු බරක් වන අතර, ඇයගේ ප්රමාණය වැඩිහිටියෙකුගේ අතකට ආසන්න තරම් කුඩා වූ බව දෙමාපියන් පවසනවා.
Miracle උපත ලැබුවේ Brisbane හි Royal Brisbane and Women’s රෝහලේදීයි. ඇය සති 14ක් පමණ Intensive Care Unit එකේ ප්රතිකාර ලබාගෙන තිබෙන අතර, මේ මාසයේදී පළමු වරට රෝහලෙන් නිවස බලා යාමට හැකිවී තිබෙනවා.
වෛද්යවරුන් පවා ඇය මෙතරම් අඩු ගර්භණී වයසකදී උපත ලබා දිවි ගලවාගැනීමට හැකිවීම විශේෂ අවස්ථාවක් ලෙස සලකනවා.
කෙසේ වෙතත්, “Australia’s most premature baby to survive” යන වාර්තා මෙය සම්බන්ධයෙන් පළවී තිබුණත්, ලෝකයේ වාර්තාව තවමත් එක්සත් ජනපදයේ Nash Keen සතුව ඇති අතර ඔහු උපත ලබා තිබුණේ සති 21කදීයි.
