ලබන නොවැම්බර් මාසයේ පැවැත්වීමට නියමිත වික්ටෝරියා ප්රාන්ත මැතිවරණය ජයග්රහණය කළහොත්, මහා මාර්ග භාවිත කරන්නන් සඳහා සතිපතා අයකෙරෙන ටෝල් ගාස්තු (Toll Charges) ඩොලර් 50කට සීමා කරන බවට ලිබරල් පක්ෂය පොරොන්දු වී තිබෙනවා.
ලිබරල් පක්ෂ නායිකා ජෙස් විල්සන් ප්රකාශ කළේ මෙම වැඩපිළිවෙළ යටතේ සාමාන්ය මෝටර් රථ, සැහැල්ලු වාණිජ වාහන සහ කුඩා ව්යාපාරික වාහන හිමියන්ට සතිපතා $50කට වඩා වැඩි වන ටෝල් ගාස්තු සඳහා සහනයක් හිමිවන බවයි.
එමඟින් සතියකට ඩොලර් 100ක පමණ ටෝල් ගාස්තු ගෙවන රියදුරෙකුට වසරකට ඩොලර් 2600කට ආසන්න මුදලක් ඉතිරි කර ගැනීමට හැකි වනවා.
මේ සඳහා ඩොලර් මිලියන 90ක මුදලක් වැය වන බවට ඇස්තමේන්තු කර ඇති අතර, ලබන වසරේ ජූලි 1 වැනිදා සිට වසර දෙකක කාලයක් සඳහා මෙම යෝජනාව ක්රියාත්මක කිරීමට සැලසුම් කර තිබෙනවා.
CityLink, EastLink සහ West Gate Tunnel යන මෙල්බන් නගරයේ ප්රධාන ටෝල් මාර්ග සියල්ල සඳහා මෙම සීමාව බලපැවැත්වෙනු ඇති.
ජීවන වියදම් ඉහළ යාම හමුවේ ජනතාවට සහ කුඩා ව්යාපාරිකයින්ට සපයන විශාල සහනයක් ලෙස ලිබරල් පක්ෂය මෙම ප්රතිපත්තිය ඉදිරිපත් කර තිබෙනවා.
