ටස්මේනියාවේ South Launceston ප්රදේශයේ 43 හැවිරිදි කාන්තාවක්, තම හිටපු සහකරුට හානි කිරීමේ අරමුණින් විෂ සහිත කෝපි කිහිපයක් යැවූ බවට චෝදනා එල්ල වී තිබෙනවා.
Tasmania Police පවසන්නේ, එම කාන්තාව කෝපි මිලදීගෙන ඒවාට නොදන්නා ද්රව්යයක් එක්කර, පසුව ඒවා හිටපු සහකරු වෙත බෙදාහැරීමට කටයුතු කර ඇති බවයි.
කෝපි බෙදාහැරීම සඳහා ස්වාධීන delivery workers භාවිත කර ඇති බවත් පොලිසිය සඳහන් කරනවා.
47 හැවිරිදි එම පුද්ගලයාට පළමු කෝපි බෙදාහැරීම ලැබුණු අවස්ථාවේ එය සැක සහිත බවට හඳුනාගෙන, පානය නොකර පොලිසියට දැනුම් දී තිබෙනවා.
ඒ පැමිණිල්ලෙන් පසුව මාස කිහිපයක් පුරා සිදුකළ විමර්ශනයකදී, කෝපි කිහිපයක්ම හිටපු සහකරු වෙත යවා ඇති බවට පොලිසිය තොරතුරු අනාවරණය කරගෙන තිබෙනවා.
පොලිස් පරීක්ෂණවලින් එම ද්රව්යය සම්බන්ධයෙන් මුල් තොරතුරු ලැබී ඇති නමුත්, සම්පූර්ණ අධිකරණ වෛද්ය වාර්තාව තවමත් සිදුකරමින් පවතින බව Tasmania Police පවසනවා.
කාන්තාව ඊයේ අත්අඩංගුවට ගෙන ඇති අතර, හානි කිරීමේ අරමුණින් විෂ ද්රව්යයක් නීතිවිරෝධී ලෙස ලබාදීමට උත්සාහ කිරීමේ චෝදනා දෙකක් ඇයට එල්ල වී තිබෙනවා.
එමෙන්ම ඇය අද Launceston Magistrates Court හමුවේ පෙනී සිටීමට නියමිතයි.
මෙය Tasmania Police පවා “ඉතා අසාමාන්ය” සහ “ඉලක්ක කර සිදුකළ සිද්ධියක්” ලෙස විස්තර කර ඇති අතර, කෝපි බෙදාහැරීමට සම්බන්ධ වූ delivery workers මෙම සැලැස්ම ගැන දැන සිටි බවට මෙතෙක් කිසිදු සාක්ෂියක් නොමැති බවත් පොලිසිය වැඩිදුරටත් සඳහන් කළා.
