ඔස්ට්රේලියාවේ තවත් කාන්තාවන් සහ දැරියන් කිහිපදෙනෙකු මියගිය බවට වාර්තා වූ සතියක් අතරතුර, ගෘහස්ථ ප්රචණ්ඩත්වයෙන් දිවි ගලවාගත් කාන්තාවක් තම අත්දැකීම හෙළි කර තිබෙනවා.
විවාහයෙන් පසුව තම සැමියා මුදල් වියදම්, දුරකථනය සහ සමාජ මාධ්ය භාවිතය පාලනය කරමින් ඇයව ක්රමයෙන් හුදකලා කළ බවයි ඇය පවසන්නේ.
දරුවා උපත ලැබීමෙන් පසු නිවසේ දේපළ විනාශ කිරීම සහ ශාරීරික පහරදීම් දක්වා ප්රචණ්ඩත්වය උග්ර වූ බවත් ඇය සඳහන් කළා.
නව රැකියා සගයකුගේ සහාය ඇතිව දුරකථනයක්, බැංකු ගිණුමක් සහ පොලිස් ආරක්ෂාව සූදානම් කරගෙන ඇය දරුවා සමඟ පලා ගොස් තිබෙනවා.
ඇගේ හිටපු සැමියාට පහරදීම්, ස්ත්රී දූෂණය සහ බලහත්කාරයෙන් පාලනය කිරීම සම්බන්ධයෙන් 2025දී වසර හතක සිරදඬුවමක් නියම කර තිබෙනවා.
ගෘහස්ථ ප්රචණ්ඩත්වය වැළැක්වීම සඳහා වික්ටෝරියා රජය නවාතැන්, නඩු කටයුතු සහ වින්දිතයන්ගේ ආරක්ෂාව වෙනුවෙන් අමතර මුදල් වෙන් කර ඇති නමුත්, ඇතැම් ප්රාන්තවල සේවා සඳහා මුදල් අඩු කර ඇති බවයි වාර්තා වන්නේ.
කාන්තාවන්ට එරෙහි ප්රචණ්ඩත්වය ජාතික හදිසි තත්ත්වයක් ලෙස සැලකිය යුතු බවත්, ගෞරවය සහ සෞඛ්ය සම්පන්න සබඳතා පිළිබඳව පිරිමින් සහ පිරිමි දරුවන් දැනුවත් කිරීම අත්යවශ්ය බවත් ක්රියාකාරීන් අවධාරණය කරනවා.
ගෘහස්ථ හෝ පවුල් ප්රචණ්ඩත්වයෙන් බලපෑමට ලක්ව සිටී නම් බලධාරීන් දැනුවත් කරන්නයි දැනුම්දී තිබෙනවා.
