ඔස්ට්රේලියාවේ සිට ශ්රී ලංකාව වෙත සිදුකරන කෙටි කාලීන සංචාරක ගමන් පසුගිය මාස 12 තුළ සැලකිය යුතු ලෙස ඉහළ ගොස් ඇති බව Australian Bureau of Statistics නිකුත් කළ නවතම දත්ත පෙන්වා දෙනවා.
2025 ජූනි මාසයේ සිට 2026 මැයි මාසය දක්වා කාලය තුළ, Australia residents විසින් ශ්රී ලංකාව වෙත සිදුකර නැවත Australia වෙත පැමිණි short-term trips සංඛ්යාව 139,440ක් ලෙස වාර්තා වී තිබෙනවා.
ඊට පෙර සමාන කාලය වූ 2024 ජූනි සිට 2025 මැයි දක්වා ශ්රී ලංකාව වෙත වාර්තා වී තිබුණේ trips 122,340ක් පමණයි.
ඒ අනුව වසරක් තුළ ශ්රී ලංකාව වෙත සිදුකළ ගමන් සංඛ්යාව 17,100කින්, එනම් ආසන්න වශයෙන් 14%කින් ඉහළ ගොස් තිබෙනවා.
මෙම මාස 12 තුළ වැඩිම ගමන් සංඛ්යාව වාර්තා වී තිබෙන්නේ 2026 ජනවාරි මාසයේදීයි. එම මාසයේ ශ්රී ලංකාවෙන් නැවත Australia වෙත පැමිණි short-term resident trips 22,910ක් වාර්තා වී තිබෙනවා.
දෙවැනි ඉහළම අගය 2026 අප්රේල් මාසයේ වාර්තා වූ 14,080 trips වන අතර, 2026 මැයි මාසයේදී එම සංඛ්යාව 9,230ක් ලෙස පහළ ගොස් තිබෙනවා.
මාසික දත්ත
* 2025 ජූනි – 7,820
* 2025 ජූලි – 11,900
* 2025 අගෝස්තු – 10,600
* 2025 සැප්තැම්බර් – 10,220
* 2025 ඔක්තෝබර් – 11,350
* 2025 නොවැම්බර් – 9,570
* 2025 දෙසැම්බර් – 9,340
* 2026 ජනවාරි – 22,910
* 2026 පෙබරවාරි – 11,220
* 2026 මාර්තු – 11,200
* 2026 අප්රේල් – 14,080
* 2026 මැයි – 9,230
මෙම වර්ධනයෙන් පෙනී යන්නේ ශ්රී ලංකාව Australians අතර සංචාරක ගමනාන්තයක් ලෙස තවදුරටත් ජනප්රිය වෙමින් පවතින බවයි. ශ්රී ලංකාවේ වෙරළ තීර, ස්වභාවික සුන්දරත්වය, වනජීවී අත්දැකීම්, ඓතිහාසික ස්ථාන, ආහාර සංස්කෘතිය සහ ඥාතීන් හා මිතුරන් හමුවීමට සිදුකරන ගමන් මේ වර්ධනයට බලපාන ප්රධාන සාධක ලෙස සැලකිය හැකියි.
කෙසේ වෙතත්, මෙම සංඛ්යා Australians පමණක් හෝ නිවාඩු සඳහා ගිය සංචාරකයින් පමණක් නියෝජනය කරන්නේ නැහැ. ඒවා Australia residents විසින් ශ්රී ලංකාව ප්රධාන ගමනාන්තය ලෙස සඳහන් කර සිදුකළ short-term trips වන අතර, business, family visits සහ holidays ඇතුළු විවිධ ගමන් ඒ තුළ අන්තර්ගත විය හැකියි. ABS අනුව මෙම වාර්තාවේ සංඛ්යා පුද්ගලයන් නොව travel movements ලෙස අර්ථ දැක්විය යුතුයි.
