ශ්රී ලංකාවට පැමිණෙන ඉන්දීය සංචාරකයින් සාමාන්ය විදේශීය සංචාරකයෙකුට වඩා දිනකට වැඩි මුදලක් වියදම් කරන බව ශ්රී ලංකා සංචාරක සංවර්ධන අධිකාරිය (SLTDA) පවසනවා.
එහි සභාපති බුද්ධික හේවාවසම් සඳහන් කළේ ඉන්දීය සංචාරකයෙකු දිනකට සාමාන්යයෙන් ඇමරිකානු ඩොලර් 154ක් වියදම් කරන අතර, සමස්ත විදේශීය සංචාරකයින්ගේ සාමාන්ය දෛනික වියදම ඩොලර් 148ක් බවයි.
ඒ අනුව ඉන්දීය සංචාරකයින් අඩු වියදම් කරන පිරිසක් බවට පවතින මතය සත්ය නොවන බවයි ඔහු අවධාරණය කළේ.
ඔහු වැඩිදුරටත් පෙන්වා දුන්නේ එක්සත් අරාබි එමීර් රාජ්යය, ඕමානය සහ තායිලන්තය වැනි රටවලද ඉන්දීය සංචාරකයින් ඉහළ වියදම් කරන පිරිසක් ලෙස සැලකෙන බවයි.
මේ වසරේ මේ දක්වා ඉන්දීය සංචාරකයින් 293,683 දෙනෙකු ශ්රී ලංකාවට පැමිණ ඇති අතර, ඉන්දියාව ශ්රී ලංකාවේ විශාලතම සංචාරක වෙළඳපොළ ලෙස පවතිනවා.
