Telstra සන්නිවේදන ජාලයේ රටපුරා ඇති වූ බිඳවැටීමේ බලපෑම හේතුවෙන් වික්ටෝරියා ප්රාන්තයේ සියලුම V/Line කලාපීය දුම්රිය සේවා තවදුරටත් අඩාල වී තිබෙනවා.
V/Line බලධාරීන් පවසන්නේ අද රාත්රියේ මෙන්ම හෙට උදෑසන දක්වාත් දුම්රිය සේවා බොහොමයක් ක්රියාත්මක නොවන බවයි.
සන්නිවේදන ජාලය සම්පූර්ණයෙන්ම ස්ථාවර වන තෙක් දුම්රිය ධාවනය නැවත ආරම්භ නොකරන බව V/Line ප්රධාන විධායක විලියම් ටියෙප්පෝ සඳහන් කළා.
මෙම බිඳවැටීම හේතුවෙන් වික්ටෝරියා පුරා මගීන් දහස් ගණනක් දැඩි අපහසුතාවට පත්වූ අතර සීමිත බස් රථ ප්රතිස්ථාපන සේවා පමණක් ක්රියාත්මක කෙරුණා.
Telstra සමාගම ප්රකාශ කළේ මෙම බිඳවැටීමට හේතුව Time Synchronisation තාක්ෂණික දෝෂයක් බවත්, එය සයිබර් ප්රහාරයක් නොවන බවයි.
මෙම සිදුවීම හේතුවෙන් ඇමතුම් කිහිපයක් Triple Zero (000) හදිසි සේවාව වෙත සම්බන්ධ නොවූ බවද වාර්තා වී තිබෙනවා.
Telstra බිඳවැටීම වික්ටෝරියාවට පමණක් නොව නිව් සවුත්වේල්ස් ඇතුළු ප්රාන්ත කිහිපයක ප්රවාහන සේවාවලටද බලපා තිබෙනවා.
අත්යවශ්ය නොවන ගමන් හැකි නම් කල් දමන ලෙස V/Line බලධාරීන් ජනතාවගෙන් ඉල්ලා සිටිනවා.
