නවසීලන්තයේ ශ්රී ලාංකික සංක්රමණික සේවකයෙකුගෙන් නීතිවිරෝධී ලෙස ඩොලර් දහස් ගණනක් ලබාගෙන සේවක හිංසනය සිදු කළ බවට වරදකරු වූ සමාගමක අධ්යක්ෂවරියකට වසර දෙකක සිරදඬුවමක් නියම කර තිබෙනවා.
නවසීලන්ත ආගමන විගමන දෙපාර්තමේන්තුව සිදු කළ විමර්ශනයකින් අනතුරුවයි මෙම නඩුව අධිකරණයට යොමු කර තිබුණේ.
අදාළ ශ්රී ලාංකික සේවකයා කාර්යාල කළමනාකරුවෙකු ලෙස සේවය කරමින් සිටියදී නීතිවිරෝධී ලෙස මුදල් ගෙවීමට බලපෑම් කර ඇති බව අධිකරණයේදී අනාවරණය වී තිබෙනවා.
අධිකරණය අධ්යක්ෂවරියට වසර දෙකක සිරදඬුවමක් නියම කළද, එය මාස 12ක නිවාස අඩස්සියකට (Home Detention) පරිවර්තනය කර ඇති බව සඳහන්.
එමෙන්ම සේවකයාට නොගෙවූ වැටුප්, බදු දායක මුදල් සහ නීතිවිරෝධී ලෙස ලබාගත් මුදල් ඇතුළුව නවසීලන්ත ඩොලර් 59,657.68ක වන්දි මුදලක් ගෙවන ලෙසද අධිකරණය නියෝග කර තිබෙනවා.
බලධාරීන් අවධාරණය කරන්නේ සංක්රමණික සේවකයන් සූරාකෑම සම්බන්ධයෙන් නීතිය දැඩි ලෙස ක්රියාත්මක කරන බවයි.
සිය සේවා අයිතිවාසිකම් උල්ලංඝනය වන අවස්ථාවලදී වහාම බලධාරීන්ට පැමිණිලි කරන ලෙසද නවසීලන්ත ආගමන නිලධාරීන් සංක්රමණික සේවකයන්ගෙන් ඉල්ලා සිටිනවා.
